Pjany rasiejec biez štanoŭ raskałaciŭ vitrynu ŭ kramie na Smarhonščynie 17

U abjektyŭ kamiery videanazirańnia ŭ Smarhonskim rajonie trapiŭ 42-hadovy žychar Kalininhrada.

Jakim čynam jon apynuŭsia ŭ vioscy Soły, možna tolki zdahadvacca, paviedamlaje telekanał ANT.

Pjany rasiejec adpraviŭsia ŭ kramu — praŭda, biez štanoŭ. Paźniej vyśvietliłasia, što pakinuŭ ich na płocie. Pierad rabotnikami handlu i pakupnikami mužčyna paŭstaŭ u vielmi niepryvabnym vyhladzie.

Moŭčki raźbiŭ vitrynu, vyjšaŭ na vulicu i jašče raźbiŭ vokny ŭ domie piensijanierki.

«Zatrymany jon byŭ učastkovym inśpiektaram milicyi i pieradadzieny śledča-apieratyŭnaj hrupie. Kvalifikujučy dziejańni zatrymanaha, rajonny adździeł Śledčaha kamiteta pryniaŭ pastanovu ab raspačynańni kryminalnaj spravy za ŭčynieńnie chulihanstva», — zajaviŭ Siarhiej Šaršanievič, aficyjny pradstaŭnik upraŭleńnia Śledčaha kamiteta Haradzienskaj vobłaści.

Zatrymanamu daviadziecca prajści psichijatryčnuju ekśpiertyzu. Praćvierazieŭšy, rasiejec tak i nie zdoleŭ nazvać krainu, dzie znachodzicca. Maksimalny termin, jaki pahražaje debašyru — da 3 hadoŭ pazbaŭleńnia voli.

pavodle ANT

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH