Daždžy prahnazujucca da niadzieli, pachaładaje.
U bližejšyja sutki, 23 žniŭnia, u Biełarusi čakajecca daždžlivaje chaładnavataje nadvorje. Na bolšaj častcy terytoryi projduć navalničnyja daždžy, nočču pa paŭnočnaj pałovie krainy daždžy buduć mocnymi. Ranicaj u asobnych rajonach zhuścicca słaby tuman.
Viecier pieramiennych napramkaŭ umierany, pry navalnicach miescami mocny paryvisty. Tempieratura pavietra ŭnačy składzie +10 .. +17°S, maksimalnaja dniom usiaho +15 .. +21°S, tolki pa paŭdniovym uschodzie da +23°S.
Atmaśfierny cisk nočču istotna nie źmienicca, dniom budzie raści.
U nastupnyja dvoje sutak, 24-25 žniŭnia, na terytoryi Biełarusi zachavajecca niaŭstojlivaje nadvorje.
24 žniŭnia (ŭ subotu) pieravažna pa ŭschodniaj pałovie krainy projduć karotkačasovyja daždžy, miescami daždžy mocnyja, u asobnych rajonach mahčymy navalnicy. Nočču i ranicaj zhuścicca słaby tuman. Tempieratura pavietra ŭnačy panizicca da +7 .. +14°S, dzionnaj maksimum składzie +14 .. +19°S, pa paŭdniovym zachadzie krainy pavietra prahrejecca da +22°S.
25 žniŭnia (ŭ niadzielu) nočču miescami, dniom na bolšaj častcy terytoryi Biełarusi projduć karotkačasovyja daždžy, u asobnych rajonach z navalnicami. Nočču i ranicaj — słaby tuman. Nočy stanuć śviažejšymi na niekalki hradusaŭ, a ŭ razhar dnia słupki termomietraŭ pakažuć +15 .. +20°S, tolki pa poŭdni krainy da +22°S.
