Na stancyi «Kastryčnickaj» punkt nadhladu dziejničaje z 1 sakavika 2012.
Na stancyi «Kastryčnickaj» punkt nadhladu dziejničaje z 1 sakavika 2012.
U 2014 hodzie punkty nadhladu źjaviacca na ŭsich stancyjach staličnaha mietro, paviedamiŭ napres-kanfierencyi 28 žniŭnia načalnik KUP «Minski mietrapaliten» Raścisłaŭ Jurenia.
«Sioleta my płanujem zaviaršyć prajektavańnie punktaŭ nadhladu na ŭsich stancyjach va ŭsich viestybiulach i pačynajučy z nastupnaha hoda pačać ich arhanizacyju ŭ kožnym viestybiuli. Heta značyć ludzi, jakija buduć iści ź vialikimi torbami, buduć nadhladacca. Pakul jany nadhladajucca na stałach abo na padłozie. Jość niezadavolenyja, ale bolšaść stavicca z razumieńniem, tamu što heta tyčycca biaśpieki», — adznačyŭ Jurenia.
Jon nahadaŭ, što letaś punkt nadhladu pasažyraŭ byŭ abstalavany na stancyi «Kastryčnickaja». Tam ustanoŭleny skanier. «U kožnaha našaha achoŭnika taksama jość mietałašukalniki. My ich stali ŭzbrojvać i miehafonami dla taho, kab u ekstrannych vypadkach razrulić situacyju», — skazaŭ načalnik mietrapalitena.
Jurenia paviedamiŭ, što ŭ mietro stvorana słužba achovy z 280 čałaviek. «Heta ludzi, jakija pastajanna znachodziacca ŭ kasavych załach, na płatformach. U ich raspracavany peŭny maršrut, jaki pastajanna kantralujecca z dapamohaj žetonnaj sistemy», — skazaŭ jon.
Akramia hetaha, u mietro pracuje 60 dziažurnych pa adpraŭleńni ciahnikoŭ. «Heta žančyny, jakija znachodziacca na płatformie z
Pavodle jaho słoŭ, madernizavanaja sistema prachodaŭ, jość śpiecyjalny zamok i kluč ad uvachodnych dźviarej, ustanoŭleny taksama ryhielny zamok, jaki błakiruje ŭsie čatyry dźviery na ŭvachodzie i vychadzie. Ustanoŭlenyja datčyki ruchu i abjomnyja datčyki. «Heta ŭsio pryvodzicca ŭ dziejańnie paśla zakryćcia dźviarej. Kali jość ruch abo pramień pierapyniajecca, adrazu padajecca sihnał dziažurnamu piersanału», — patłumačyŭ Jurenia.
U 2012 hodzie ŭ mietro zaviaršylisia raboty pa stvareńni videasistemy. Ciapier pracuje 996 kamier. «Što da płatform, kas i viestybiulaŭ — my bačym praktyčna ŭsio. Heta tyčycca i amal usich słužbovych pamiaškańniaŭ. Ustanoŭleny i kamiery dla infračyrvonych vypramieńvańniaŭ, jakija „bačać“ u ciemry», — skazaŭ Jurenia.
Jon taksama paviedamiŭ, što stancyi treciaj linii mietro buduć asnaščacca ekranami, jakija adharodžvajuć puci ad płatformy, a ciahniki buduć kiravacca ŭ aŭtamatyčnym režymie, ale pad nazirańniem mašynistaŭ.