«Sełtyk» vybiŭ kryŭdziciela BATE ź Lihi čempijonaŭ 3

Džejms Forest vyvieŭ šatłandski kłub u hrupavy raŭnd

Šatłandski «Sełtyk» prabiŭsia ŭ hrupavy raŭnd futbolnaj Lihi čempijonaŭ, adoleŭšy «Šachcior» Karahanda.

Paśla parazy ŭ Kazachstanie 0:2, siońnia ŭ Hłazha «kielty» pieramahli 3:0 (Komans, 45, Samaras, 62, Forest, 90+2), pryčym vyrašalny hoł byŭ zabity u dadadzienyja chviliny.

Tym nie mienš, «Šachcior», jaki ŭ 2-m raŭndzie vybiŭ z kvalifikacyi barysaŭski BATE, budzie hulać u hrupavym raŭndzie Lihi Jeŭropy.

Losavańnie hrupavoha turniru ŁČ projdzie zaŭtra, u čaćvier.

Hod tamu ŭ hrupavym turniry Lihi čempijonaŭ vystupaŭ barysaŭski BATE, jaki spačatku atrymaŭ dźvie pieramohi: u haściach nad francuzskim «Lilem» (3:1) i ŭ Minsku nad budučym pieramožcam turniru, miunchienskaj «Bavaryjaj» (3:1).

U čaćvier projdzie matč płej-of kvalifikacyi Lihi Jeŭropy. U bielhijskim Lježy «Minsk» zhulaje sa «Standardam». Tydzień tamu ŭ Hrodnie bielhijski kłub pieramoh 2:0.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH