U apošnija dni žniŭnia stanie krychu ciaplej, paviedamiła karespandentu BIEŁTA inžynier-sinoptyk Hidramieteacentra Viktoryja Maćviejenka .
U bližejšyja sutki, 30 žniŭnia, pa krainie čakajecca vobłačnaje z prajaśnieńniami, pieravažna biez apadkaŭ nadvorje. U načnyja i ranišnija hadziny miescami zhuściacca tumany, jakija pahoršać bačnaść na darohach da 300-800 m. Unačy tempieratura pavietra składzie plus 7-13 hradusaŭ, miescami — da 5-6. Dniom termomietry pakažuć 17-22 vyšej za nul.
U subotu nočču pa paŭdniovym uschodzie, dniom miescami projduć karotkačasovyja daždžy, nočču i ranicaj zhuścicca tuman. U načnyja hadziny tempieratura pavietra składzie plus 6-13 hradusaŭ, dniom čakajecca ad plus 16 pa paŭdniovym uschodzie da 21-23 sa znakam plus pa zachadzie krainy.
1 vieraśnia nadvorje znoŭ pačnie mianiacca: pavialičycca vobłačnaść, uzmocnicca viecier. Taksama na bolšaj častcy krainy projduć karotkačasovyja daždžy, nie vyklučany navalnicy . Unačy čakajecca plus 6-13 hradusaŭ , u dzionnyja hadziny — ad 16 da 21 vyšej za nul , u paŭdniovych rajonach — da plus 23 hradusaŭ