Da traciny cyharet u Litvie mohuć być kantrabandnymi, pryčym 75 pracentaŭ kantrabandy — biełaruskaj vytvorčaści. Pra heta śviedčać vyniki daśledavańnia, praviedzienaha ŭ druhim kvartale 2013 niezaležnaj kampanijaj Nielsen, paviedamlaje BNS.
Daśledavańnie pravodziłasia ŭ 20 haradach krainy, było sabrana 5.800 pačkaŭ, vykinutych u hramadskich miescach. Sielskaja miascovaść u daśledavańnie nie ŭvajšła.
«Maštaby kantrabandy ŭ Litvie zastajucca druhimi pa pamiery ŭ Jeŭropie i ŭ druhim kvartale hetaha hoda ŭ paraŭnańni z takim ža pieryjadam minułaha hoda vyraśli na 0,3% častkova da 29,6%», — skazaŭ kiraŭnik pa karparatyŭnych spravach dla Litvy kampanii Philip Morris Baltic Łaŭrynas Bučalis, jaki pradstaviŭ vyniki hetaha daśledavańnia.
Daśledavańnie pakazała, što na nielehalnym rynku Litvy pieravažajuć pački
Pavodle padlikaŭ Nacyjanalnaj asacyjacyi vytvorcaŭ tytuniovych vyrabaŭ, pry takim uzroŭni kantrabandy tolki sioleta dziaržbiudžet nie dabiare 250 młn. litaŭ akcyzu i 69 młn. litaŭ PDK, heta značyć amal tracinu miljarda litaŭ, paviedamiła Asacyjacyja rabotadaŭcaŭ Kłajpiedskaj akruhi.
Pavodle słoŭ kiraŭnika hetaj asacyjacyi Arasa Mileški, «cień kantrabandnych cyharet jašče moža vyraści, kali budzie praviedziena ŭ žyćcio prapanavanaja Jeŭrakamisijaj dyrektyva ab tytuniovych vyrabach. Pry dapamozie hetaj dyrektyvy ŭ krainach ES płanujuć całkam zabaranić handal tonkimi cyharetami i cyharetami ź miatnym hustam.
«Daśledavańni pakazali, što kali zabaranić takija cyharety, to ŭ Litvie bolš jak 77% spažyŭcoŭ stanuć šukać ich na nielehalnym rynku», — skazaŭ Mileška.
Pik spažyvańnia kantrabandnych cyharet u Litvie prypaŭ na 2010 hod, tady nielehalny rynak składaŭ bolš jak 40% usiaho rynku tytuniovych vyrabaŭ.
Maryna Nosava, BiełaPAN