17 žniŭnia ŭ Minsku prajšli čarhovyja pakatuški staličnych viełasipiedystaŭ. Adnak u toj raz ideja zajezdu była nastolki aryhinalnaj, što pryciahnuła ŭvahu mnohich ŚMI: pa horadzie jeździli sapraŭdnyja stylahi -dziaŭčyny ŭ sukienkach ŭ harošak i maładyja ludzi z pryčoskami ŭ styli šaścidziesiatych, paviedamlaje tut.by. Siońnia arhanizataru niezvyčajnaha zajezdu treba zapłacić bujny štraf — za niesankcyjanavanaje masavaje mierapryjemstva.
Tut.by patelefanavaŭ dziaŭčynie, jakaja pavinna vypłacić štraf za arhanizacyju viełapajezdki.
— Mnie patelefanavali ź milicyi, paprasili pryjechać da troch hadzin. Ja pryjechała, skłali pratakoł. I tam ja ŭžo ŭbačyła niešta nakštałt zajavy na siabie, z razdrukoŭkaj abjavy pra pakatuški, što była na našym sajcie.
Pry mnie skłali pratakoł. U pałovu šostaj u toj ža dzień byŭ sud i mnie ŭžo pryznačyli štraf u 20 bazavych. Heta ŭsio było praz 10 dzion paśla taho, jak prajšli pakatuški.
Kiraŭnik minskaj viełasupołki Jaŭhien Charužy aceńvaje hety štraf jak niebiaśpiečny precedent, tamu što pakatuški staličnych viełasipiedystaŭ u ciopły čas «prachodziać praktyčna kožny dzień».
Jaŭhien Charužy pryhadaŭ razmovu, jakaja adbyłasia paŭtara hoda tamu ŭ adździele
«Voś, my viedajem, viełasipiedysty źbirajucca ŭ internecie, na sajtach tam roznych, „Vkontaktie“, katajucca razam, choć u nas heta niezakonna. My zapluščvajem na heta vočy, ale kali sprava dojdzie da palityki…»
Rabić vysnovy damo čytačam samastojna.
