Supracoŭniki ŭkrainskaj słužby radyjo «Svaboda» zapisali interviju ź Viktaram Juščankam, prezydentam Ukrainy ŭ 2005—2010 hh., jaki vykazaŭsia pra supolnyjanamahańni ciapierašnich ukrainskich uładaŭ i apazycyi intehravacca z Eŭropaj nasupierak pieraściaroham z Kramla.
Biełaruskaja słužba radyjo «Svaboda» prapanuje pierakład
frahmentaŭ hetaj razmovy.
RS: Viktar Andrejevič, ci ŭkrainskija palityki adolejuć usie barjery na šlachu da intehracyi z Eŭraźviazam abo, kažučy inšymi słovami, ci Viktar Janukovič ažyćciavić eŭraintehracyjnuju maru Viktara Juščanki?
Juščanka: Kali pahladzieć na zorki, to, jak mnie zdajecca, upieršyniu za apošnija 22 hady skłałasia takaja sytuacyja, kali tyja, kaho my nazyvajem apazycyjaj, i tyja, kaho my nazyvajem uładaj, upieršyniu majuć adnu metu — intehracyju z Eŭraźviazam. Krynicy hetaj mety, biezumoŭna, roznyja.
Ale, naprykład, kali ja byŭ premjer-ministram, dyk u mianie byŭ prezydent, jaki dumaŭ pra rasiejski vektar. A kali ja staŭ prezydentam, dyk u mianie była apazycyja, jakaja dumała pra
rasiejski vektar. Heta, kali havaryć pra palitykaŭ. Ale ja skazaŭ by, što sutnaść tut daloka nie ŭ palitykach…
RS: A ŭ kim? U aliharchach?
Juščanka: U nacyi. Viedajecie, palityk — heta maryjanetka, jakoj ruchajuć miljony ludziej. Kali ŭ hetych ludziej eŭrapiejskaje vyznačeńnie, ja vam harantuju, što eŭrapiejski vybar budzie.
A kali my da siońniašniaha dnia nia viedajem, na jakoj movie havorym, jakaja naša pamiać i našy hieroi dy kudy my idziem, palityk zaŭsiody budzie manipulavać.
RS: Ale vy kažacie, što zorki skłalisia. Možacie nazvać tyja elementy, jakija skłalisia? Kali havaryć pra vybar samych bahatych ludziej Ukrainy, jakich nazyvajuć aliharchami, dyk jany za eŭraintehracyju ci suprać?
Juščanka: Za. Što tyčycca aliharchaŭ, to ja tut skažu pra try-čatyry bazavyja rečy, na padstavie jakich možna sfarmulavać adkaz na pytańnie, kudy jany iduć.
Pačnu z takoha pytańnia: dzie vučacca ichnyja dzieci? Ja nie pryhadvaju nivodnaha dziciaci, jakoje vučyłasia b va Ŭniversytecie Łamanosava, abo Patrysa Łumumby, abo ŭ Baŭmana.
Kali my pahladzim na rezydencyi i siadziby, ja nie mahu pryhadać, chto ź ich budujecca na Rubloŭcy. Kali my havorym
pra biznes — a heta śviataja śviatych — mnie nie pryhadvajecca,
kab chto ź ich mieŭ u Rasiei hazavuju ci naftavuju śvidravinu, abo 12 tysiač hiektaraŭ niavysiečanaha lesu, abo kapalni, abo chimičnyja kambinaty… Ichny hlabalny ekanamičny intares nie pakładzieny ŭ Rasiei.
I davajcie ciapier pastavim sabie palityčnaje pytańnie: Što treba siońnia ŭkrainskim uładam? Pry hetym ja daju padkazku — što daje pucinskaja Rasieja ŭ palityčnym sensie jakomu-niebudź lideru, Ukrainy abo inšaj krainy?
Jana najpierš daje palityčnuju izalacyju. Tudy prymajuć biez umovaŭ, ale dajuć palityčnuju izalacyju. Tak jak dali Biełarusi. Jość try krainy, kudy ty možaš palacieć, try stalicy, dzie ciabie mohuć pryniać. I, ułasna kažučy, ty znachodziśsia ŭ farvatery čužoj, samadziaržaŭnaj palityki. Heta adzin vybar.
Kali havaryć pra toje, što siońnia patrebnaje ŭkrainskaj uładzie i viarcham, u hetym liku aliharchičnym, dyk ja dumaju, što im patrebnaja lehitymizacyja. Lehitymnaść daje śviet, u jakim znachodziacca ichnyja intaresy. Vykažu heta miakčej — lehitymnaść daje Brusel.
RS: A z hledzišča ekanamičnych intaresaŭ, čamu, na vašu dumku, našy samyja bahatyja ludzi ciapier schilajucca da Eŭraźviazu?
Juščanka: Ja paŭtaru: Tamu što eŭrapiejskaja palityka siońnia niasie nia tolki ekanamičnuju vyhadu dla hetaha klanu. Hetaja palityka prynosić im pryznańnie abo, kali ŭžyć tut nie ŭkrainskaja słova, lehitymizacyju.
Na maju dumku, siońnia heta klučavoje pytańnie. Heta nia značyć, što jany stali eŭrapiejcami. Heta nia značyć, što jany kinulisia da svabody, abniali jaje i kažuć — heta naša kaštoŭnaść. Chutčej za ŭsio, heta budzie adbyvacca pad roznym ciskam, u tym liku i hramadzkim, ale ŭ asnovie hetaha pamknieńnia znachodzicca karparatyŭnaja i pryvatnaja matyvacyja, jakaja siońnia, na ščaście, supała z nacyjanalnym intaresam.
Inšyja adkazy Viktara Juščanki možna pračytać na sajcie ŭkrainskaj słužby RS.
