Staŭka refinansavańnia Nacyjanalnaha banka Biełarusi ŭ vieraśni zastaniecca na raniejšym uzroŭni - 23,5% hadavych, paviedamili va ŭpraŭleńni infarmacyi i hramadskich suviaziej Nacbanka.
Takoje rašeńnie pryniata pa vynikach abmierkavańnia hetaha pytańnia na pasiadžeńni praŭleńnia Nacyjanalnaha banka 10 vieraśnia.
U Nacbanku adznačyli, što padtrymańnie niaźmiennaj staŭki refinansavańnia ŭ lipieni i žniŭni 2013 dazvoliła adnavić pryrost terminovych rublovych układaŭ nasielnictva, pamienšyć popyt na zamiežnuju valutu z boku nasielnictva i pradpryjemstvaŭ, a taksama spryjała dalejšamu zapavoleńniu inflacyjnych pracesaŭ.
Apošni raz Nacbank źnižaŭ staŭku refinansavańnia 10 červienia - na 1,5 pracentnaha punkta da 23,5% . Pieršy raz u 2013 hodzie staŭka refinansavańnia była źnižana 13 sakavika - z 30% da 28,5% hadavych (da hetaha staŭka nie źmianiałasia na praciahu paŭhoda) .
