Prezident — staršynia praŭleńnia AAT «Śbierbank Rasii» Hierman Href nie vyklučaje, što biełaruskamu boku ŭ suviazi ź situacyjaj na kalijnym rynku moža spatrebicca refinansavańnie trochhadovaha rasijskaha kredytu «Biełaruśkaliju» na sumu $1 młrd.
Heta zdahadku jon vykazaŭ siońnia žurnalistam u Minsku, paviedamlaje BiełTA.
Adkazvajučy na pytańnie, ci źviartaŭsia biełaruski bok pa refinansavańnie abo źmianieńnie umovaŭ pa kredycie «Biełaruśkalija», Hierman Href adznačyŭ: «Pakul nie, ale situacyja na kalijnym rynku niaprostaja, tamu budziem hladzieć, jak buduć raźvivacca padziei».
Takim čynam, jon faktyčna nie vyklučyŭ mahčymaści taho, što biełaruskamu boku spatrebicca refinansavańnie hetaha kredytu.
Trochhadovy kredyt ad Sberbank CIB na $1 młrd «Biełaruśkalij» pryciahnuŭ pad harantyi ŭrada Biełarusi ŭ kastryčniku 2012 hoda dla refinansavańnia brydž-kredytu, uziataha ŭ 2011 hodzie dla finansavaj stabilizacyi ŭ krainie pad zakład 51% akcyj AAT «Naftan».
Refinansavany byŭ pryciahnuty «Biełaruśkalijem» u kancy 2011 hoda sindykavany brydž-kredyt Śbierbanka Rasii i JEABR (dola Śbierbanka $900 młn.) terminam na 1 hod na sumu $1 młrd. Srodki sindykavanaha kredytu byli ŭklučany ŭ skład zołatavalutnych reziervaŭ Biełarusi šlacham vypusku doŭhaterminovych dziaržaŭnych papier na $800 młn., jakija vykupiŭ «Biełaruśkalij». Astatniuju častku kredytu kampanija pradała na biržy pa inicyjatyvie Nacbanka.
Na fota: padpisańnie Hrupaj Śbierbanka miemarandumaŭ ab supracoŭnictvie z najbujniejšymi klijentami BPS-Śbierbanka ŭ centralnym aparacie AAT «BPS-Śbierbank» pa adrasie: bulvar imia Mulavina, 6.
Padpisvali — staršynia praŭleńnia AAT «Śbierbank Rasii» Hierman Href, u centry, staršynia praŭleńnia AAT «BPS-Śbierbank» Vasil Maciušeŭski (sprava), hienieralny dyrektar AAT Mazyrski NPZ Anatol Kupryjanaŭ.
Miemarandum vyznačaje ramki supracoŭnictva ŭ finansavańni inviestycyjnaha prajekta «Budaŭnictva kompleksu hidrakrekinhu ciažkich naftavych reštkaŭ ŭ AAT Mazyrski NPZ» na sumu da 350 młn jeŭra, a taksama finansavańnie kirujučaj kampanii chołdynhu Biełaz-Chołdynh na sumu 300 młn jeŭra.
