Rasijskaja kampanija «Urałkalij» abviarhaje abvinavačvańni Alaksandra Łukašenki ŭ raspaŭsiudzie lipavaj finansavaj spravazdačnaści, paviedamlaje RIA «Naviny» sa spasyłkaj na zajavu načalnika ŭpraŭleńnia pa suviaziach z hramadskaściu chimičnaha chołdynhu Alaksandra Babinskaha.
«Usia finansavaja spravazdačnaść kampanii „Urałkalij“ publičnaja. Z vynikami finansavych pakazčykaŭ za pieršaje paŭhodździe možna aznajomicca na sajcie kampanii. Hetaja spravazdačnaść zavierana mižnarodnym aŭdytaram PricewaterhouseCoopers. Mahčyma, prezidenta ŭ čarhovy raz niapravilna infarmavali», — udakładniŭ Babinski.
«Jość infarmacyja pra toje, što ŭ ich u minusie $12 młrd, a ŭ plusie ŭsiaho dva. Kali heta tak, to atrymlivajecca, što i infarmacyja, jakuju jany pa ŭsim śviecie raspaŭsiudžvali, lipavaja. Raspaŭsiud lipavaj spravazdačnaści i infarmacyi — heta ŭžo mižnarodnaje machlarstva», — zajaviŭ Alaksandr Łukašenka na naradzie ŭ čaćvier.
Hetaja zajava moža paŭpłyvać na kaciroŭki akcyj «Urałkalija».