Abvinavačanaja ŭ ździajśnieńni vybuchu ŭ listapadzie 2012 h. kala budynka KDB u Viciebsku 42-hadovaja miascovaja žycharka pryznała svaju vinu ŭ sudzie i raspaviała ab matyvach, jakija šturchnuli jaje na ŭčynak.
Padazravanaja ŭ ździajśnieńni vybuchu kala KDB chacieła napałochać jaho supracoŭnikaŭ.
Akazałasia, takim čynam žančyna chacieła pasiejać paniku siarod supracoŭnikaŭ KDB, bo ličyła, što jany hrebujuć pošukam chulihanaŭ, jakija niekalki hadoŭ tamu zrabili vybuch u padjeździe jaje doma.
Paśla hetaha vypadku žančyna stała źbirać infarmacyju ab vyrabie samarobnych vybuchovych pryładaŭ, rehularna vyjazdžała za horad, dzie źbirała vybuchovyja pakiety i vypraboŭvała ich. Vybuch kala budynku KDB staŭ nie pieršym na jaje rachunku, abvinavačanaja pryznałasia ŭ ździajśnieńni jak minimum dvuch vybuchaŭ — adzin jana praviała padčas vuličnaha šou na fiestyvali «Słavianski bazar», druhoha — na vybarčym učastku, jaki byŭ abstalavany ŭ adnoj ź viciebskich škoł.
Abvinavačanaja pracavała paštaljonam, za plačyma ŭ jaje spartyŭnaja karjera (jana zajmałasia motakrosam).
