vedomosti.ru
Pra toje, što kiraŭnika «Urałkalija» pieraviali pad chatni aryšt, paviedamlaje RIA «Novosti» sa spasyłkaj na jaho rasijskaha advakata Alaksieja Basistava. Da Baŭmhiertniera dapuścili jaho maci, jakaja napiaredadni prylacieła ŭ Minsk u nadziei na spatkańni z synam u SIZA KDB.
Pavodle krynic ahienctva «Interfaks», Baŭmhiertniera vyzvalili na chadajnictva hienprakurora Rasii Juryja Čajki, jaki naviedvaŭ Minsk i pravioŭ pieramovy pra dalejšy los spravy «Urałkalija» sa svaim biełaruskim kaleham i vyšejšym kiraŭnictvam krainy.
Pa vynikach hetych pieramovaŭ było pryniataje rašeńnie pra supracoŭnictva ŭ rasśledavańni hetaj kryminalnaj spravy, u tym liku na padstavie materyjałaŭ biełaruskich pravaachoŭnych orhanaŭ. Biełaruski bok paličyŭ mahčymym źmianić mieru strymańnia Uładzisłavu Baŭmhiertnieru na chatni aryšt.
Adnak dziŭnym čynam vychad biznesoŭca z turmy supaŭ ź inśpiekcyjnym vizitam Uładzimira Pucina na vučeńni «Zachad-2013».
Nahadajem, što rasijskaha biznesmena zatrymali ŭ kancy žniŭnia paśla spynieńnia supracoŭnictva «Urałkalija» z «Biełaruśkalijem». Paźniej biełaruskija ŭłady abviaścili ŭ mižnarodny vyšuk saŭładalnika kampanii Sulejmana Kierymava.
Vierahodna, na los Baŭmhiertniera paŭpłyvali rašeńni ŭ kiraŭnictvie Biełarusi i Rasii. Siońnia ŭ Biełaruś prybyvaje rasijski prezident Uładzimir Pucin. A premjer-ministr Rasii Dźmitryj Miadźviedzieŭ vykazaŭ namier abmierkavać los rasijskaha biznesoŭca z kiraŭnikom biełaruskaha ŭrada Michaiłam Miaśnikovičam.
