Priessboł sa spasyłkaj na hiendyrektara «Junactva» Eduarda Zotava paviedamiŭ, što novy chakiejny kompleks nie budzie nasić imia «Čyžoŭka-Arena», a nazva budzie pradadziena.
Praŭda, paźniej Jeŭraradyjo hetuju infarmacyju ŭ CHK «Junactva» abvierhli.
«Čyžoŭka-arena» ŭzvodzicca na poŭdni Minska ŭ adnajmiennym mikrarajonie da čempijanatu śvietu pa chakiei, jaki maje prajści ŭ Minsku z 9 pa 25 maja 2014 h. Miarkujecca, što Arena budzie zdadziena ŭ ekspłuatacyju 7 listapada 2013 h.
Tut projduć matčy hrupy, A (u Čyžoŭcy buduć hulać čempijony śvietu, zbornaja Šviecyi, a taksama Kanada, Čechija, Słavakija, Danija, Narviehija, Francyja i Italija) i dva čverćfinały.
9 maja turnir na «Čyžoŭka-Arenie» pačniecca matčami Francyja — Kanada (16:45) i Słavakija — Čechija (20:45). A supiermatč Šviecyja — Kanada projdzie 18 maja (16:45). Kvitki na čempijanat pačnuć pradavacca z 30 vieraśnia.
