Zhodna z prapanavanymi źmien u Padatkovy kodeks banki abaviažuć pradastaŭlać padatkovym inśpiekcyjam źviestki ŭ dačynieńni da fizičnych asob pra kredyty i depazity, jakija ŭ ich byli, paviedamlaje «Ježiednievnik».
U ciapierašni čas hetyja źviestki achoŭvajucca ad padatkavikoŭ bankaŭskaj tajamnicaj. Zhodna z art.121 Bankaŭskaha kodeksa Biełarusi, źviestki ab rachunkach i ŭkładach (depazitach), u tym liku ab najaŭnaści rachunkaŭ u banku (niebankaŭskaj kredytna-finansavaj arhanizacyi), jaho ŭładalniku, numarach i inšych rekvizitach rachunkaŭ, pamiery srodkaŭ, što znachodziacca na rachunkach i va ŭkładach (depazitach), a taksama źviestki ab kankretnych ździełkach, ab apieracyjach biez adkryćcia rachunku, apieracyjach pa rachunkach i ŭkładach (depazitach), a taksama ab majomaści, što znachodzicca na zachoŭvańni ŭ banku, źjaŭlajucca bankaŭskaj tajamnicaj i nie padlahajuć rahałošvańniu.
Dadzienyja źviestki ŭ dačynieńni da fizičnych asob, jakija nie źjaŭlajucca indyvidualnymi pradprymalnikami, mohuć być raskrytyja bankam tolki zakrytamu pieraliku subjektaŭ, u jaki padatkovyja inśpiekcyi nie ŭvachodzili.
U ciapierašni čas, źviestki, jakija składajuć bankaŭskuju tajamnicu fizičnych asob, mohuć pradastaŭlacca sudam, prakuroru abo jaho namieśniku, Departamientu finansavaha manitorynhu KDK, nataryusam dla praviadzieńnia nataryjalnych dziejańniaŭ, Nacyjanalnamu banku i arhanizacyi, jakaja ažyćciaŭlaje harantyi viartańnia bankaŭskich układaŭ (depazitaŭ) fizičnych asob. Adnak z 2014 hoda ŭ hety śpis, miarkujučy pa ŭsim, trapiać i padatkovyja inśpiekcyi.
Zhodna sa źmianieńniami ŭ Padatkovy kodeks, jakija płanujecca pryniać ŭ paskoranym paradku, kab jany ŭstupili ŭ dziejańnie z 2014 hoda, padatkovyja orhany atrymajuć prava zapytvać u bankaŭ źviestki ab kredytach, vydadzienych fizičnym asobam (viernutych/pahašanych) fizičnymi asobami) , najaŭnaści ŭ fizičnych asob układaŭ (depazitaŭ), naličanych (vypłačanych) fizičnym asobam pracentaŭ pa ŭkładach (depazitach), vypiski pa ŭkładach (depazitach).
Praŭda, zapytvać nazvanyja źviestki padatkovyja orhany zmohuć u tym vypadku, kali fizičnaj asobaj, jakaja pradstaviła dekłaracyju ab dachodach i majomaści, u jakaści krynicy hrašovych srodkaŭ, vykarystanych na nabyćcio majomaści, byli zajaŭleny kredyty banka, pracenty pa ŭkładach (depazitach) banka i (abo) hrašovyja srodki, raźmieščanyja na układach (depazitach) banka.
Naŭrad ci dla kahości źjaŭlajecca sakretam, što mienavita spasyłkaj na kredyt abo depazit niekatoryja bahatyja biespracoŭnyja apraŭdvalisia pierad padatkavikami za darahuju kuplu, i lehalizavali takim čynam svoj prytojeny prybytak.
Pakłaŭ u bank depazit, pad zakład hetaha depazitu ŭziaŭ kredyt, za jaki kupiŭ aŭto. A sam kredyt vypłaciŭ na praciahu pary miesiacaŭ. I ŭsio zakonna.
Z 2014 hoda heta zrabić budzie prablematyčna, tak jak padatkovaja zmoža atrymać u banka nie tolki źviestki pra kredyty (depazitach), ale i ab zroblenych płaciažach, naličanych (utrymanych) pracentach pa ich, što daść dastatkova poŭnuju karcinu ŭ adnosinach da ŭładalnika rachunku.
Bank abaviazany budzie padać usie hetyja źviestki na praciahu 3-ch rabočych dzion, paśla atrymańnia zapytu ad padatkovaj inśpiekcyi.
