Raspaŭsiudžany ŭ apošnija dni zapis telefonnaj razmovy, u jakoj nibyta braŭ udzieł niabožčyk prezident Vieniesueły Uha Čaves, jość padrobka, sfabrykavanaja apazicyjaj z metaj destabilizacyi situacyi ŭ krainie, zajaviŭ prezident Vieniesueły Nikałas Madura.
Jak paviedamlaje «Sińchua» ŭ vystupie pa dziaržaŭnym telebačańni ŭ subotu Madura taksama źviarnuŭ uvahu na amaralnaść pavodzin apazicyjanieraŭ, adznačyŭšy, što pierad hetym jany nieadnarazova źviartalisia da takich pryjomaŭ dla taho, kab źniščyć plon revalucyi.
U apošni čas u sacyjalnych sietkach źjaviŭsia zapis telefonnaha zvanka praciahłaściu paŭtary chviliny, jaki Čaves nibyta zrabiŭ svajmu małodšamu bratu Adamu.
Papytaŭšysia pra zdaroŭje rodnych, były prezident nibyta skazaŭ: «Siońnia, 16 vieraśnia, u mnie bolš žyćciovych sił, čym kali b tam ni było».
Pakolki data była ahučana biez ŭkazańnia na hod, niekatoryja stali sumniavacca, ci pamior Čaves nasamreč.
Sapraŭdnaść zapisu telefonnaj razmovy Čavesa ŭ subotu abvierhli jaho małodšy brat Adam i staršynia Nacyjanalnaj asamblei Vieniesueły, jakija zajavili pra dačynieńnie da jaje antyŭradavaj apazicyi.
