Advakaty hiendyrektara «Urałkalija» Uładzisłava Baŭmhiertniera źviarnulisia ŭ śledčyja orhany pa dazvoł na prahułki ich padabaronnamu.
Ab hetym paviedamiŭ konsuł pasolstva Rasii Ihar Karahin paśla sustrečy 30 vieraśnia z hienieralnym dyrektaram »Urałkalija», jaki adbyvaje chatni aryšt na zdymnaj kvatery ŭ Minsku.
Pavodle słoŭ Karahina, u hety momant hetaje pytańnie razhladajecca śledčymi orhanami.
Dypłamat taksama paviedamiŭ, što Uładzisłaŭ Baŭmhiertnier «ni na što nie skardzicca i nie vykazvaje nijakich prośb». «Jaho mama žyvie ź im, na sustrečy jana nie prysutničała», — adznačyŭ rasijski konsuł.
Ihar Karahin nie zmoh adkazać, ci jość u Baŭmhiertniera dostup da telefona i interneta. Pavodle jaho słoŭ, heta pytańnie na sustrečy nie ŭzdymałasia.
Razam z tym dypłamat adznačyŭ: «Jon pierapisvajecca z rodnymi, blizkimi i znajomymi, listy dachodziać i da jaho i ad jaho. Rasijskaje telebačańnie pracuje, rasijskija haziety pastupajuć».
U rasijskaha pasolstva taksama niama nijakaj infarmacyi ab płanach pa ekstradycyi Uładzisłava Baŭmhiertniera ŭ Rasiju, padkreśliŭ Ihar Karahin.