NHL.com
Siońnia ŭnačy ŭ Kanadzie i ZŠA startavaŭ 97-y čempijanat Nacyjanalnaj chakiejnaj lihi.
Biełaruski forvard «Vašynhtona» — adziny pakul sioleta pradstaŭnik našaj krainy ŭ NCHŁ — Michaił Hraboŭski zakinuŭ try šajby ŭ varoty «Čykaha» ŭ debiutnym aficyjnym matčy za «Kepitałs».
Biełaruski forvard vyznačyŭsia na 31-j, 41-j i 46-j chvilinach.
Dla Hraboŭskaha hety chiet-tryk staŭ pieršym u zaakijanskaj karjery.
Taksama na rachunku Michaiła adna halavaja pieradača.
Praŭda, «Vašynhton» sastupiŭ dziejučym uładalnikam Kubka Stenli ŭ haściach ź likam 4:6.
Biełarus paŭdzielničaŭ va ŭsich hałach svajoj kamandy i byŭ pryznany druhoj zorkaj matču, paviedamlaje Goals.by
Michaił Hraboŭski pačynaŭ karjeru ŭ NCHŁ u «Manreali» ŭ 2006 h. U 2008—2013 hh. hulaŭ za «Taronta», adkul syšoŭ paśla hučnych zajavaŭ.
