Delehacyja z Hiermanii na čale z deputatam Bundestaha 17-ha sklikańnia Bierndam Šelenam praviadzie 7 kastryčnika 2013 u Minsku sumoŭje z kandydatami ź Biełarusi na ŭdzieł u prahramie Mižnarodnaj parłamienckaj stypiendyi (MPS) i vybiare stypiendyjataŭ.
U19:00, paśla sumoŭja, u Minskim mižnarodnym adukacyjnym centry imia Iahaniesa Rau (MMAC) adbudziecca pres-kanfierencyja.
U ramkach Mižnarodnaj parłamienckaj stypiendyi, jakaja finansujecca Hiermanskim Bundestaham, 120 maładych ludziej z 28 krain śvietu atrymajuć mahčymaść z 3 sakavika pa 31lipienia 2014 «znutry» paznajomicca z parłamienckaj sistemaj Hiermanii i niepasredna sutyknucca z demakratyčnymi pracesami pryniaćcia palityčnych rašeńniaŭ.
Stypiendyjaty buduć pracavać u ofisie deputata Bundestaha, adnačasova ny buduć zaličany ŭ adzin z univiersitetaŭ Bierlina i atrymajuć mahčymaść naviedvać lekcyi i inšyja vučebnyja mierapryjemstvy.
Prahrama prachodzić pad ehidaj prezidenta Hiermanskaha Bundestaha i ažyćciaŭlajecca ŭ supracoŭnictvie z tryma bierlinskimi ŭniviersitetami.
Usie vydatki na prajezd, pražyvańnie i strachoŭku, uklučajučy štomiesiačnuju stypiendyju, apłačvajucca Bundestaham.
Padčas svajho vizitu ŭ Minsk delehacyja z Hiermanii sustreniecca z pradstaŭnikami palityčnych i dziełavych kołaŭ, a taksama haliny adukacyi.
U metach padtrymańnia kantaktaŭ praduhledžana sustreča sa stypiendyjatami minułych hadoŭ. U mnohich krainach byłyja stypiendyjaty stvaryli abjadnańni dla praciahumižkulturnaha dyjałohu i zachavańnia suviaziej.
Štohod, pačynajučy ź lutaha, Pasolstva Hiermanii prymaje dakumienty dla ŭdziełu ŭ konkursie na atrymańnie Mižnarodnaj parłamienckaj stypiendyi.
Zajaŭki nakiroŭvajucca pa elektronnaj pošcie pa adras: [email protected]
Bolš padrabiaznaja infarmacyja na sajcie www.bundestag.de.
Hladzi taksama: Tydni Hiermanii — z 26 vieraśnia pa 20 kastryčnika
