Trahiedyjaj skončyŭsia pracoŭny dzień 4 kastryčnika na pradpryjemstvie «BiełTAPAZ» u Hrodnie. U kancy pracoŭnaj źmieny na mašynnym dvary znajšli cieły dvuch kiroŭcaŭ pradpryjemstva, paviedamlaje telekanał ANT.
Adnaho znajšli kala estakady. Druhoha — u kabinie MAZa. Pa słovach kaleh zahinułych, abodva kiroŭcy byli siabrami. Vidavočcaŭ hibieli adnaho ź ich niama, a voś druhi zabiŭ siabie na vačach kalehaŭ. Pry hetym vykryknuŭ, što nie daruje sabie śmierci siabra i ŭsadziŭ nož u vobłaść serca.
Siarhiej Šaršanievič, aficyjny pradstaŭnik upraŭleńnia Śledčaha kamiteta pa Hrodzienskaj vobłaści: «Padčas ahladu miesca zdareńnia i apytańnia rabotnikaŭ pradpryjemstva ŭstanoŭlena, što mieła miesca darožna-transpartnaje zdareńnie, ździejśnienaje adnym z kiroŭcaŭ, paśla čaho jon sieŭ u kabinu svajho aŭtamabila MAZ i skončyŭ žyćcio samahubstvam».
U Śledčym kamitecie pravodziać rasśledavańnie ŭsich abstavin zdareńnia. Na miescy trahiedyi pracujuć ekśpierty.
Padrabiaznaści trahiedyi paviedamlaje tut.by. Zahinułyja zajmalisia ramontam mašyny. Adzin z rabočych staŭ pamiž kuzavam aŭtamabila i kabinaj, a druhi ŭ hety čas vyrašyŭ zrabić probnaje koła. Ubačyŭšy, što jaho tavaryš zahinuŭ, mužčyna prosta ŭ kabinie nanios sabie ŭdar nažom u serca.