Francuzy raźbili łahier na terytoryi Polščy. Jany znachodziacca ŭsiaho niekalki dzion, ale pačuvajucca jak doma.
«U mianie jašče nie było mahčymaści naviedać Polšču, ale atmaśfiera dobraja i mnie tut padabajecca», - kaža francuzski major.
Pałatki, pastaŭlenyja na palihonie ŭ Draŭsku, pavinny źmiaścić bolš za adnu z šaści tysiač sałdat, jakija ŭ pačatku listapada prymuć udzieł u vučeńniach vojskaŭ NATO — u asnoŭnym u Polščy i Łatvii.
«Aljans budzie adpracoŭvać reakcyju ŭ vypadku pahrozy krainam-udzielnicam", - adznačyŭ staršynia Biuro nacyjanalnaj biaśpieki Polščy hienierał Stanisłaŭ Kaziej.
Vialikaja kolkaść vohnietušycielaŭ nie vypadkova, bo takija zajavy ŭžo padahrajuć atmaśfieru. Čakajecca, što vučeńniami pad nazvaj Steadfast Jazz 2013 NATO pavinien paćvierdzić svaju zdolnaść da abarony Polščy. Heta budzie najlepšym adkazam na biełaruska-rasijskija vučeńni «Zachad-2013».
«U nas jość žadańnie vypracavać peŭny adkaz na hetyja vučeńni, naprykład, abapirajučysia na hramadskaje mierkavańnie. Kali b ja byŭ vajennym kamientataram z Rasii, to nie turbavaŭsia b ab tak zvanaj pahrozie z Zachadu, a źviartaŭ by ŭvahu na pahrozu ź inšych rehijonaŭ», - zajaviŭ namieśnik ministra nacyjanalnaj biaśpieki Robiert kupiecki.
Heta buduć pieršyja maštabnyja vučeńni NATO ŭ hetym rehijonie, ale kolkaść udzielnikaŭ u cełym nie vyhladaje pałochajuča, za vyklučeńniem suchaputnych sił Francyi.
Na mory brytancy i hałandcy vystaŭlajuć pa dva karabli, a astatnija krainy pa adnamu. U pavietra buduć padniatyja samaloty raźviedki i radyjoelektronnaj baraćby. Siurpryzaŭ z boku Polščy nie budzie - u pavietry źniščalniki «Fantom», u mory vajenny karabiel «Czernicki», a na ziamli bryhada z Ščecina, choć tearetyčna vučeńni nie praduhledžvajuć abarony Polščy.
«Budzie umoŭny praciŭnik, umoŭnaja dziaržava, jakuju my budziem abaraniać.
Kanflikt budzie padobny na tyja, jakija adbyvajucca ŭ śviecie pamiž dźviuma dziaržavami - adnoj biednaj i demakratyčnaj, a inšaj bahataj i dyktatarskaj. Hetym praciŭnikam budzie dziaržava z nazvaj Bochnia», — kaža hienierał Andžej Tuz, kiraŭnik vučeńniaŭ ad Polščy.
«Siły NATO pieramiaščajucca ŭ bok biednaj dziaržavy, umacoŭvajuć jaje miažu, adnak nie majuć zadańni naŭprost zmahacca z praciŭnikam. Tamu ŭ peŭnych momantach my budziem sastupać», — dadaŭ hienierał.
Heta hučyć jak namiok na evakuacyju nasielnictva z bałtyjskich krain u vypadku biełaruskaj ahresii, ale heta vypadkovaja asacyjacyja.
Hałoŭny kiraŭnik vučeńniaŭ śćviardžaje, što heta prosta treniroŭka sił abarony NATO, nieabchodnaść jakoj była vyklikanaja jašče dziesiać hadoŭ tamu.
«My chočam być pažarnymi, na jakich možna raźličvać u vypadku pažaru», — skazaŭ kiraŭnik sił aljansu Hans-Łotar Damroz.
Na vučeńni zaprošany rasijskija naziralniki .
