Pytańnie pra adnaŭleńnie pracy ofisa ABSIE ŭ Minsku biełaruskim bokam nie razhladajecca, zajaviŭ BiełaPAN pres-sakratar MZS Biełarusi Andrej Savinych. «Ja nie razumieju, čamu vy zadajacie heta pytańnie», — skazaŭ jon.
Nahadajem, pryznačany 15 kastryčnika novy kiraŭnik rabočaj hrupy pa Biełarusi Parłamienckaj asamblei ABSIE Kryścijan Cholm zajaviŭ, što adnoj sa svaich najvažniejšych zadač na novaj pasadzie ličyć «nieabchodnaść dabivacca dazvołu na adnaŭleńnie pracy ŭ Minsku ofisa ABSIE».
Misija ABSIE ŭ Biełarusi pracavała z 1998 hoda. Rašeńnie ab zakryćci ofisa było pryniata biełaruskimi ŭładami ŭ kancy 2010 hoda. 31 śniežnia pradstaŭnik Biełarusi pry mižnarodnych arhanizacyjach u Vienie Alaksandr Syčoŭ prainfarmavaŭ členaŭ pastajannaha savieta ABSIE ab rašeńni biełaruskich uład nie praciahvać mandat minskaha ofisa arhanizacyi ŭ suviazi z «adsutnaściu abjektyŭnych padstaŭ dla zachavańnia misii». 31 sakavika 2011 hoda ofis ABSIE ŭ Minsku aficyjna spyniŭ pracu.
