Taki «kapitalny ramont» byŭ acenieny ŭ miljard rubloŭ. Fota mvd.gov.by.
Fota mvd.gov.by.
Fota mvd.gov.by.
Fota mvd.gov.by.
Jak paviedamili ŭ Ministerstvie ŭnutranych spraŭ, rasśledujecca kryminalnaja sprava suprać byłoha dyrektara Respublikanskaha navukova-praktyčnaha centra hihijeny. Jaho abvinavacili ŭ złoŭžyvańni paŭnamoctvami, što naniesła dziaržavie škody na 1 miljard rubloŭ.
Pa viersii śledčych, dyrektar
u listapadzie 2012 zaklučyŭ damovu ź minskaj firmaj na praviadzieńnie kapitalnaha ramontu ŭ adnym z budynkaŭ centra. A z respublikanskaha biudžetu vydzialili 1 miljard rubloŭ. Ale ŭžo ŭ śniežni kiraŭnik RNPC hihijeny padpisaŭ akty zdačy-pryjomu vykananaj pracy ŭ poŭnym abjomie i apłaciŭ usiu sumu.
Adnak padčas pravierki vyjaviłasia, što padradčyk vykanaŭ nie bolš za 10 pracentaŭ paznačanaj u akcie pracy. A konkursnaja prapanova firmy nie adpaviadała dakumientacyi i nie mahła być pryniataja.
Rasśledavańnie jašče praciahvajecca. Były dyrektar moža adpravicca za kraty na dziesiać hadoŭ.
