Unian
Vital Kličko, jaki na hetym tydni abviaściŭ z trybuny parłamienta pra svoj namier bałatavacca ŭ prezidenty Ukrainy, u intervju Bi-bi-si raspavioŭ, jakimi jon bačyć adnosiny Kijeva ź Jeŭrasajuzam i Rasijaj, a taksama pra toje, što ŭ vypadku jaho abrańnia čakaje Viktara Janukoviča i Juliju Cimašenku.
«Ja nikoli nie maryŭ zajmacca palitykaj. Ale žyćcio prymusiła joju zajmacca. Bo čakać užo mnie nie pad siłu. U 1991 hodzie my ŭsie maryli pabudavać krainu. Prajšło 20 hadoŭ. Niešta pabudavali? Nie. My dobra pramaŭlali, dobra raspaviadali, dobra maryli, ale, na žal, ničoha nie zrabili. Treba nie čakać, a treba samomu zmahacca. I ŭpeŭnieny, što my zmožam dasiahnuć hetaha, bo ja nie adzin chaču hetaha. Takich ludziej tysiačy, dziasiatki tysiač, sotni tysiač, miljony — ludziej, jakija ŭžo stamilisia čakać. My hatovy zmahacca».
Bi-bi-si: Ujavim sabie Ukrainu roŭna praz dva hady: kaniec kastryčnika 2015 hoda. Vy — prezident Ukrainy, vy — na Bankavaj u svaim ofisie. Dzie ŭ hety čas i što robiać Viktar Janukovič i Julija Cimašenka?
— Julija Cimašenka adnaznačna nie budzie znachodzicca ŭ turmie.
Bi-bi-si: A Viktar Janukovič?
— Ja chaču začynić hetu skryniu Pandory. Viktar Janukovič śmieła moža niedzie adpačyvać. Ja nie viedaju, čym jon budzie zajmacca — pisać miemuary. Ale my pavinny zakryć skryniu Pandory, jakuju jon adčyniŭ, što palityki iduć u turmu. Jon pavinien nieści palityčnuju adkaznaść. Upeŭnieny, što takaja palityčnaja adkaznaść — heta budzie piensija.
