Kali dachodzić da surjoznych adnosinaŭ dziaŭčaty robiacca vielmi prydzirlivymi ŭ vybary pravilnaha chłopca. Bo adnosiny — heta vielmi važna dla ich i chočacca, kab toj, chto budzie pobač (chočacca vieryć, što zaŭsiody) pavinien być pa-sapraŭdnamu hodnym čałaviekam.
Niesumnienna, heta składanaja zadača. Ale my krychu sprościm jaje, raskazaŭšy ab tych typach mužčyn, ad jakich lepš trymacca dalej.
Bajaźliviec
Mužčyny hetaha typu — heta i nie mužčyny navat, a prosta spałochanyja maleńkija chłopčyki, jašče zanadta niaśpiełyja dla surjoznych adnosin. I takim možna być i ŭ 30, i ŭ 40 hadoŭ, sprava nie va ŭzroście, a ŭ psichałahičnych prablemach. I navat kali ź im pa-varjacku viesieła bavicca čas i možna prahavaryć usiu noč, a seks — nu prosta mara, budźcie aściarožnyja — lubić jon nie ŭmieje.
Flirtaman
Hety chłopiec nie ŭmieje mieć adnosiny ź dziaŭčynaj biez «padkataŭ». Jon uvieś čas zaihryvaje, źmianiajučy taktyku ŭ zaležnaści ad taho, na što kluje taja ci inšaja «achviara». Jon, biassprečna, moža być zachaplalny — ale jaho intaresy dastatkova karotkaterminovyja.
Tusoŭščyk
Voś z hetym sapraŭdy nie zasumuješ. U jaho biaskoncyja ček-iny ŭ samych roznych, ale zaŭsiody tusovačnych miescach, novyja fotki i novyja pryhody. U piatnicu ŭviečary jon vychodzić na palavańnie za ŭražańniami. Prablema ŭ tym, što jaho adviečnaja praha novaha nie ŭtrymaje jaho nadoŭha kala ciabie, tak što lepš navat nie marnuj na jaho čas.
Narcys
Tut navat biez kamientaroŭ. Kali ty časam zadaješsia pytańniem, kaho jon bolš lubić, ciabie ci siabie — dyk navošta tabie taki patrebny?
Karol dramy
Žudasna raŭnivy i hipierusprymalny, jon budzie svarycca navat za 5-chvilinnaje spaźnieńnie na spatkańnie. U jaho vidavočnyja prablemy z humaram i zanadta hipiertrafiravanyja reakcyi na prostyja žyćciovyja situacyi.
Vierny lokaj
Jon zasynaje ciabie padarunkami i kamplimientami, pałkimi pryznańniami i hieraičnymi prajavami kachańnia… Ale ŭsio heta ŭ kančatkovym vyniku pryvodzić da dysbałansu ŭ adnosinach, a ty adčuvaješ siabie ściervaj, tamu što tabie heta chutka nadakučaje.
Nierealizavany hultaj
Jon siadzić doma i raspaviadaje, jak moh by zavajavać śviet, kali b zachacieŭ. U realnaści jon rehularna skaraje tolki novy pačak čypsaŭ i zachoplivaje piečyva na kuchni:-)
Dyktatar-uzurpatar
Jamu treba kantralavać ciabie ad i da, viedać pra kožny tvoj krok i ničoha nielha rabić bieź jaho zhody. Spačatku jon jašče trymajecca ŭ ramkach prystojnaści i ciabie takaja ŭvaha navat ciešyć, ale boža barani ciabie zatrymacca kala takoha chłopca nadoŭha!
Chadziačaja encykłapiedyja
Spačatku ciabie pryciahvaje jaho erudycyja i intelekt, ale potym prosta pačynaje vanitavać ad hetaj biaskoncaj nudoty. Jon žudasna pravilny i źjaŭlajecca niejkaj sumieśsiu taty i nastaŭnicy ŭ škole. Nie samy pryjemny kaktejl.
Snob
U bukietna-cukieračny pieryjad jon budzie raspaviadać tabie što ŭsie vakoł — śmiećcie, a ty — adziny ałmaz ŭ natoŭpie. I spačatku heta budzie impanavać tabie. Ale potym jon paraŭnaje ciabie z natoŭpam i budzie ŭpeŭnieny, što adziny ałmaz na śviecie — heta jon sam.