U Biełarusi płanujecca raźmiaścić dziažurnaje źviano źniščalnaj avijacyi Rasii.
Pra heta paviedamiŭ žurnalistam ministr abarony Rasii Siarhiej Šajhu pa vynikach praviedzienaha siońnia ŭ Maskvie sumiesnaha pasiadžeńnia kalehij ministerstvaŭ abarony Biełarusi i RF, paviedamlaje BiełTA.
«My prystupili da praktyčnaj prapracoŭki pytańnia raźmiaščeńnia na terytoryi Respubliki Biełaruś dziažurnaha źviana źniščalnaj avijacyi Rasii, — skazaŭ Šajhu. — Raspracoŭvajecca nieabchodnaja dakumientacyja».
Raniej nieadnarazova kazałasia pra raźmiaščeńnie rasijskaj avijabazy ŭ Lidzie.
«Uładkoŭvać bazu budzie biełaruski bok, my budziem im u hetym dapamahać. Avijabaza stanie važnym elemientam pieršaha stratehičnaha ešałona abarony Sajuznaj dziaržavy, zabiaśpiečvajučy prykryćcio pavietranaj prastory Biełarusi», — kazaŭ 26 červienia hałoŭnakamandujučy VPS RF hienierał-lejtenant Viktar Bondaraŭ.
Tady zajaŭlałasia, što baza pačniecca funkcyjanavać užo ŭ hetym hodzie.