Taryfy na pieravozki pasažyraŭ i bahažu čyhunačnym transpartam ahulnaha karystańnia na haradskich i rehijanalnych linijach ekanom-kłasa ŭ Biełarusi buduć pavialičanyja.
Heta praduhledžana pastanovaj Ministerstva ekanomiki №74 ad 8 kastryčnika 2013 h., jakoje siońnia aficyjna apublikavana na Nacyjanalnym pravavym internet-partale.
Košt prajezdu pasažyraŭ ciahnikami na haradskich linijach u miežach adnaho taryfnaha pojasa pavialičycca na 42,9% z 3 500 da 5 000 rubloŭ, pry prajeździe ŭ miežach dvuch taryfnych pajasoŭ — na 27,7% z 4 700 da 6 000 rubloŭ za adnu pajezdku.
Košt prajezdu za 1 km ciahnikami ekanom-kłasa na rehijanalnych linijach pavialičycca z 70 da 90 rubloŭ, za adnu zonu — z 700 da 900 rubloŭ.
Taksama padaražeje prajezd pasažyraŭ ciahnikami na rehijanalnych i mižrehijanalnych linijach ekanom-kłasa i biźnies-kłasa — na 50%. Akramia taho, dakumientam ustanoŭleny pavyšanyja taryfy na pravoz bahažu i hruzabahažu na haradskich, rehijanalnych i mižrehijanalnych linijach.
Pastanova ŭstupaje ŭ siłu praz 10 dzion paśla jaho aficyjnaha apublikavańnia.
