Upraŭleńnie justycyi harvykankamu admoviłasia ad patrabavańnia likvidacyi «Supolnaści».
Siońnia ŭpraŭleńnie justycyi Mienharvykankamu pahadziłasia z prapanavanymi ŭmovami miravoha pahadnieńnia z haradzkim hramadzkim abjadnańniem “Supolnaść”.
“Heta aznačaje, što my pradstaŭlajem u 15-dzionny termin usie dakumenty, jakija jany zapytvali i jakija my nie pradstavili, bo nie atrymlivali zapytu. Taksama vypraŭlajem pravamiernyja techničnyja parušeńni, što pošta nie dachodzić. A ŭpraŭleńnie justycyi na hetych padstavach nia moža bolš padavać pazovu ab likvidacyi “Supolnaści”, - skazaŭ pradstaŭnik abjadnańnia Juraś Čavusaŭ.
Sioleta 22 červienia čynoŭniki jurydyčnaha adździełu Mienharvykankamu nakiravali ŭ “Supolnaść” try zaŭvahi. Pavodle pieršaj, siabry arhanizacyi nibyta nie adkazvali na ichnyja listy. Druhaja zaŭvaha kanstatavała, što adzin ź siabroŭ arhanizacyi nia maje mienskaj prapiski. Treciaja tyčyłasia taho, što “Supolnaść” źjaŭlajecca zasnavalnicaj “Asamblei niaŭradavych arhanizacyjaŭ”.
Hramadzkaje abjadnańnie “Supolnaść” było zarehistravana ŭ Mienharvykankamie jak haradzkaja arhanizacyja.
