Alaksandr Łukašenka pavinšavaŭ biełarusaŭ z Dniom kastryčnikaj revalucyi, jaki budzie adznačacca ŭ Biełarusi 7 listapada.
Naša kraina ci nie adzinaja, dzie hety dzień adznačajecca, jak dziaržaŭnaje śviata.
«Amal stahodździe adździalaje nas ad hetaj daty. Ale i siońnia Kastryčnickaja revalucyja, jakaja adbyłasia pad znakam humanistyčnych kaštoŭnaściej i demakratyčnych svabod, nie stračvaje svajho značeńnia jak znamianalnaja padzieja suśvietnaj historyi.
Biaspłatnyja adukacyja i miedycynskaje absłuhoŭvańnie, vaśmihadzinny rabočy dzień, likvidacyja sasłoŭnych pryvilej, svaboda vieravyznańnia i roŭnaść hramadzianskich pravoŭ žančyn i mužčyn - hetyja i inšyja dabroty, jakija zdajucca nam naturalnymi i nieadjemnymi, źjaŭlajucca zavajovami taho času.
Abvieščanaje savieckaj uładaj prava nacyj na samavyznačeńnie stała fundamientam, na jakim my pabudavali suvierennuju Ajčynu - Respubliku Biełaruś.
Dasiahnieńni, jakimi hanarycca niezaležnaja Biełaruś siońnia: mocnaja narodnaja ŭłada, što abapirajecca na sistemu Savietaŭ deputataŭ usich uzroŭniaŭ, sacyjalna aryjentavanaja ekanomika, vysokaraźvityja adukacyja, navuka i kultura - u mnohim zasnavany na patencyjale, nabytym u BSSR.
Pa dobraj tradycyi 7 listapada pryniata sustrakać pracoŭnymi padarunkami. Sioleta da hetaha dnia ŭ roznych kutkach krainy zdajucca ŭ stroj novyja damy, pramysłovyja i sacyjalnyja abjekty - śviedčańni rostu dabrabytu naroda.
Upeŭnieny, što heta śviata zaŭsiody budzie adznačacca ŭ Biełarusi jak simvał našaj pavahi da słaŭnych tradycyj i ździajśnieńniaŭ mnohich pakaleńniaŭ.
Žadaju vam, darahija suajčyńniki, mocnaha zdaroŭja, ščaścia, uražalnych pośpiechaŭ i dasiahnieńniaŭ u imia našaj lubimaj Radzimy», — havorycca ŭ vinšavańni.
