Tysiačy žycharoŭ San-Francyska dapamahli 5-hadovamu chłopčyku, jaki lečycca ad lejkiemii, vykanać jaho maru i stać na adzin dzień Betmenam.
AP
Majłz Skot lečycca ad lejkiemii ŭžo na praciahu niekalkich hadoŭ, zaraz jon znachodzicca ŭ stanie remisii.
Horad pieratvaryli ŭ kazačny Hotem-sici. Chłopčyk u kaściumie Betmena vyratavaŭ žančynu, zatrymaŭ supierzłodzieja, «jaki rabavaŭ» bank, i vyratavaŭ talisman biejsbolnaj kamandy San-Francyska, vykradzieny inšym supierzłodziejem z komiksu, Pinhvinam.
Narešcie, mer San-Francyska Ed Li ŭručyŭ Majłzu klučy ad horada.
Miascovaja hazieta nadrukavała admysłovy vypusk z zahałoŭkam «Betkid ratuje horad!».
Tysiačy žycharoŭ San -Francyska vitali «Betkida» padčas jaho pryhodaŭ.
Pa horadzie Majłz pieramiaščaŭsia na betmabili ŭ supravadžeńni palicyi.
«Tak trymać, Majłz! Vyratuj Hotem!», — skazaŭ u videazvarocie ź Biełaha doma amierykanski prezident Barak Abama.
Arhanizavaŭ hetaje mierapryjemstva fond Make-A-Wish, u jakim hetuju akcyju paraŭnali z vajennaj apieracyjaj.