Takija vysokija prybytki za apošni hod joj zabiaśpiečyli hanarary za finalnuju častku kancertnaha tura MDNA, jaki ŭzbahaciŭ śpiavačku na 305 miljonaŭ dalaraŭ.
Na druhim miescy rejtynhu raźmiaściłasia epatažnaja «karaleva monstraŭ» Łedzi Haha, jakaja zarabiła 80 miljonaŭ dołaraŭ. Apošni hastrolny tur Born This Way Ball prynios joj 160 miljonaŭ.
Trojku lidaraŭ zamykaje rok-muzyka Džon Bon Džovi, čyj prybytak u minułym hodzie skłaŭ 79 miljonaŭ dołaraŭ. Za im idzie amierykanski vykanaŭca kantry-muzyki Tobi Kit, jaki zarabiŭ 65 miljonaŭ dołaraŭ. Praŭda, dla hetaha jon nie tolki davaŭ kancerty, ale i paśpiachova raźvivaŭ svaju sietku restaranaŭ.
Na piatym miescy znachodzicca brytanski rok-kvartet «Kołdpłej». Kožnaje vystupleńnie prynosiła kalektyvu ŭ siarednim kala 3 miljonaŭ dołaraŭ, što ŭ vyniku dazvoliła nabrać sumu ŭ 64 miljony. Na šostym miescy z 58 miljonami dołaraŭ znachodzicca kanadski śpiavak Džaścin Bibier, paviedamlaje RIA «Novosti».
