Pa stanie na 1 listapada 2013 hoda na składach pramysłovych pradpryjemstvaŭ Biełarusi sabrałasia hatovaj pradukcyi na 29 trłn 113,8 młrd rubloŭ.
Jak paviedamlaje Biełstat, abjom nierealizavanaj pradukcyi skłaŭ 73,1% siaredniamiesiačnaha abjomu vytvorčaści, pavialičyŭšysia za kastryčnik na 2,5 pracentnaha punkta (dla paraŭnańnia: na 1 listapada 2012 hoda hety pakazčyk składaŭ 56,9%). Da maja hetaha hoda naziraŭsia rost składskich zapasaŭ, potym niaznačnaje źnižeńnie, a ŭ kastryčniku znoŭ adznačany rost.
Najbolšyja suadnosiny zapasaŭ hatovaj pradukcyi i siaredniamiesiačnaha abjomu vytvorčaści skłalisia ŭ nastupnych vidach ekanamičnaj dziejnaści: «Vytvorčaść skury, vyrabaŭ sa skury i abutku» (248%), «Vytvorčaść mašyn i abstalavańnia» (176,9%), «Tekstylnaja i šviejnaja vytvorčaść» (171,9%).
U hornazdabyŭnoj pramysłovaści hety pakazčyk skłaŭ 12,8% (na 1 listapada 2012 hoda — 5,8%), u apracoŭčaj — 82,3% (63,4%), u tym liku ŭ charčovaj pramysłovaści — 56,5% (66,7%), drevaapracoŭčaj halinie — 65,3% (63,9%), celułozna-papiarovaj halinie i vydavieckaj dziejnaści — 64,5% (64,5%).
U mietałurhičnaj vytvorčaści hety pakazčyk na 1 listapada skłaŭ 69,4% (65,9%), u vytvorčaści elektraabstalavańnia, elektronnaha i aptyčnaha abstalavańnia — 108,8% (102,4%), transpartnych srodkaŭ i abstalavańnia — 149,8% (98,2%).
