Reuters
Reuters
ŚMI paviedamili pra ŭzbrojeny napad u stalicy Jemiena horadzie Sanie na dvuch zamiežnych hramadzian, jakija nibyta pracavali vajennymi daradcami ŭ adnoj z častak prezidenckaj achovy krainy.
Achviarami napadu ŭ Jemienie stali dvoje hramadzian Biełarusi, a nie rasijanie, jak mierkavałasia raniej, paviedamiŭ supracoŭnik pasolstva Racii ŭ Sanie.
«U 9.15 ranicy pry vychadzie z hatela «Amsterdam» u centry Sany padvierhlisia ŭzbrojenamu napadu dvoje hramadzian Biełarusi, jakija pracavali ŭ Jemienie pavodle pryvatnaha kantrakta.
Pry hetym adzin ź ich byŭ zabity, druhi ciažka paranieny», — zajaviŭ RIA naviny surazmoŭca ahienctva.
«Napad byŭ ździejśnieny nieviadomymi asobami na matacykle. Pasolstva Rasii akazvaje ŭsiu nieabchodnuju dapamohu ŭ suviazi z hetym incydentam», — dadaŭ dypłamat.
Adzin zamiežnik zahinuŭ na miescy ad ranieńnia ŭ hałavu.
Pavodle papiaredniaj infarmacyi, heta mužčyna va ŭzroście 60-65 hadoŭ. Druhi paciarpieły atrymaŭ ciažkija ranieńni i byŭ dastaŭleny ŭ krytyčnym stanie ŭ reanimacyju bližejšaj balnicy. Daktary da hetaha času zmahajucca za jaho žyćcio.
«My paćviardžajem, što ŭ Jemienie (…) paciarpieli hramadzianie Biełarusi. Jany pracavali tam pavodle aficyjnaha kantrakta»,
- zajaviŭ ahienctvu «Interfaks-Zachad» načalnik upraŭleńnia infarmacyi — pres-sakratar MZS Andrej Savinych.
Apošnim časam situacyja ŭ Jemienie abvastryłasia.
U krainie ŭžo kala tydnia praciahvajucca bai pamiž roznymi ŭzbrojenymi hrupoŭkami, zahinuli prynamsi 55 čałaviek. Uzbrojenyja sutyknieńni pamiž šyitami z hrupoŭki «Al-Chusi» i jemienskimi sałafitami ŭ pravincyi Saada pieryjadyčna ŭspychvajuć z 2011 hoda.
Apošny spałoch uzbrojenych sutyknieńniaŭ na poŭnačy Jemiena adbyvajecca na ahulnym fonie ŭskładnieńnia situacyi z unutranaj biaśpiekaj u krainie.
Na poŭdni krainy nie spyniajucca terakty bajevikoŭ «Al-Kaidy», a pačaty paśla prychodu da ŭłady ŭ 2012 hodzie novaha prezidenta Abd Raba Chadzi ahulnanacyjanalny dyjałoh z metaj vypracoŭki novaj kanstytucyi krainy da hetaha času nie pryvioŭ da jakich-niebudź stanoŭčych vynikaŭ.
Nahadajem, što biełaruskija vajskovyja daradcy ŭdzielničali taksama ŭ padrychtoŭcy vojskaŭ u šerahu inšych arabskich krain. U Livii heta skončyłasia dramaj: šerah vajskovych daradcaŭ trapili ŭ pałon da paŭstancaŭ i zastajucca ŭ turmie.