Kala 12-j hadziny 26 listapada na ŭjeździe ŭ Hłybokaje (Viciebskaja vobł.) zatrymali niezaležnych žurnalistaŭ Viačasłava Piaško i Nastu Reźnikavu, paviedamlaje sajt baj.by.
Jany jechali rychtavać videasiužet dla sajta haziety «Novy čas».
Mašynu, jakoj kiravaŭ Piaško, spynili na ŭjeździe ŭ horad supracoŭniki DAI. Pravieryŭšy dakumienty, milicyjanty spačatku skazali, što ich naściarožvaje numar kuzava mašyny.
Paśla pravieryli bahažnik i paprasili prajechać ź imi ŭ RUUS, bo vonkava mašyna i jaje pasažyry nibyta padychodzili pad apisańnie machlaroŭ u vyšuku.
Spačatku na razmovu vyklikali Piaško, a zatym – Reźnikavu. Prykładna praz paŭhadziny abodvuch vyzvalili, pierapisaŭšy pašpartnyja dadzienyja i numary telefonaŭ. Hutaryŭ ź imi staršy opierupaŭnavažany Mikałaj Kvatera.
«Vyhladała ŭsie davoli padazrona», – padzialiŭsia z pres-słužbaj HA «BAŽ» Viačasłaŭ Piaško paśla vyzvaleńnia. Na prośbu žurnałstaŭ pakazać «aryjenciroŭku» – apisańnie prykmiet złačyncaŭ, na padstavie jakich ich zatrymali, – milicyjanty pradjavili niejki niepierakanaŭčy dakumient na kampjutary z ahulnym apisańniem mužčyny «jeŭrapiejskaj źniešnaści». Razdrukavać dakumient admovilisia.
