Prezident Ukrainy ličyć, što pierad tym, jak prasić vyzvaleńnia, eks-premjer pavinny kampiensavać straty, jakija jana naniesła krainie.
Nahadajem, u 2011-m Julija Cimašenka była asudžanaja na 7 hadoŭ źniavoleńnia «za pieravyšeńnie paŭnamoctvaŭ» padčas zaklučeńnia ŭ 2009 hodzie hazavaha kantraktu z Rasijaj. ES i ZŠA ličać jaje spravu palityčna matyvavanaj. Adnoj z umovaŭ ES u spravie padpisańnia damovy ab asacyjacyi z Ukrainaj było vyrašeńnie prablemy z vyjezdam Cimašenki na lačeńnie za miažu, čaho zroblena nie było.
«Maich paŭnamoctvaŭ tut niedastatkova i majho punktu hledžańnia, — cytuje słovy Viktara Janukoviča UNIAN. — Tut pavinien dać adkaz sud. I Cimašenka ŭ hetym navat pavinna być zacikaŭlenaja… Kali jana sapraŭdy nie ździajśniała złačynstva, sud daść adkaz, ździejśniła — zapłaci srodki i tady prasi ci patrabuj vyzvaleńnia». Janukovič dadaŭ, što zakony Ukrainy heta dazvalajuć.
Pa słovach ukrainskaha prezidenta, pytańnie Julii Cimašenki — heta pytańnie nie siońniašniaha dnia.
