Jašče adzin papularny servis internet-kampanii «Jandeks» staŭ dastupny karystalnikam, u pieršuju čarhu aŭtamabilistam, u Biełarusi. Havorka idzie pra biaspłatny dadatak «Jandeks.Navihatar» dla mabilnych pryład.
Prahrama raspracavanaja dla mabilnych pryład na apieracyjnych sistemach Android, iOS i Windows Phone 8. U hetym dadatku jość padrabiaznyja karty, aktualnaja infarmacyja pra zatory i hałasavoje kiravańnie. Navihatar «Jandeksa» moža supravadžać biełaruskich karystalnikaŭ jak u štodzionnych pajezdkach pa horadzie, tak i pa ŭsioj krainie, a taksama ŭ Rasiju i Ukrainu.
«Jandeks.Navihatar» pieratvaraje zvyčajny smartfon ci płanšet u paŭnacennaha aŭtašturmana, — adznačyŭ Hrabieńnikaŭ. — Pryčym karty dla jaho nie treba spampoŭvać uručnuju, my rehularna abnaŭlajem schiemy aŭtadaroh.
A infarmacyja pra biahučuju darožnuju situacyju pastupaje kožnyja dźvie chviliny, tamu naš «Navihatar» zaŭsiody prapanuje maršrut u ab`iezd zatoraŭ».
Dadatak raźličvaje aptymalny maršrut z ulikam zatoraŭ i viadzie karystalnika pa im, padkazvajučy kožny manieŭr — hołasam i na ekranie. Možna zadać dakładny adras, a taksama znajści patrebnuju ŭstanovu, naprykład kafe ci najbližejšuju AZS. Jak śćviardžajuć pradstaŭniki «Jandeksa», ich «Navihatar» viedaje 160 tysiač arhanizacyj u krainie. Kiravać prahramaj možna i hołasam. Kali napieradzie ŭtvaryŭsia zator, dadatak pierabuduje maršrut i prapanuje šlachi ab`iezdu. Ciapier «Navihatar» raspaznaje 8.700 haradskich zavułkaŭ i vulic u Biełarusi, bujnyja miascovyja i respublikanskija darohi, usie mahistrali — bolš jak 86 tysiač kiłamietraŭ aŭtadaroh.
«Navihatar» zapuščany ŭ 2012 hodzie ŭ Rasii i va Ukrainie, u 2013 hodzie — u Turcyi. Štomiesiačnaja aŭdytoryja dadatku składaje 5 młn. čałaviek. «Z zapuskam «Navihatara» ŭ Biełarusi my spadziajemsia na jaje dalejšy rost», — skazaŭ Hrabieńnikaŭ.
U Biełarusi, pavodle jaho słoŭ, užo dobra viadomym servisam «Karty» ad «Jandeksa» štomiesiac karystajucca da 500 tys. čałaviek.
«Jandeks.Navihatar» možna biaspłatna zapampavać u Apple Arr Store (dla iPhone i iPad), Google Play (dla smartfonaŭ i płanšetaŭ na bazie Android) i ŭ mahazinie Windows Phone dla WP8.
«Jandeks» — rasijskaja IT-kampanija, jakaja vałodaje adnajmiennaj sistemaj pošuku ŭ sietcy i internet-partałam. Pošukavaja sistema «Jandeks» ź`iaŭlajecca čaćviortaj siarod pošukavych sistem śvietu pa kolkaści apracavanych pošukavych zapytaŭ (pa stanie na śniežań 2012 hoda — 4,84 młrd. zapytaŭ, 2,8% ad suśvietnaj kolkaści).
Pryjarytetnym kirunkam kampanii ź`iaŭlajecca raspracoŭka pošukavaha miechanizmu, ale za hady pracy «Jandeks» staŭ multypartałam, jaki ciapier pradastaŭlaje bolš jak 50 servisaŭ. Samyja papularnyja: «Jandeks.Karcinki», «Jandeks.Pošta», «Jandeks.Karty», «Jandeks.Nadvor`ie», «Jandeks.Naviny».
Pošukavaja sistema yandex.ru była aficyjna anansavana 23 vieraśnia 1997 hoda. Jak asobnaja kampanija «Jandeks» utvorana ŭ 2000 hodzie.
