22:01
Janukovič: Pryjduć vybary i ludzi raźbiarucca
Prezident Ukrainy zaklikaŭ palitykaŭ nie śpiašacca i dačakacca vybaraŭ, na jakich ludzi vyznačacca, kaho vybirać.
Ab hetym kiraŭnik ukrainskaj dziaržavy zajaviŭ u intervju telekanałam.
«Ja chacieŭ vam skazać i źviarnucca da našych hramadzian, jakija stajać pa abodva baki hetych barykadaŭ. My z vami pražyli vielmi niaprosty pieryjad času. My prajšli hady vyprabavańniaŭ, i ja za toje, kab my zaŭsiody rabili z hetaha adpaviednyja vysnovy», — skazaŭ Janukovič.
Kiraŭnik Ukrainy padkreśliŭ, što jon za toje, «kab my stanavilisia mudrejšymi, za toje, kab u našaj krainie nie było nieabaronienych ludziej: kab usich abaraniaŭ i zakon, i dziaržava».
«Kab my z vami zaŭsiody hladzieli u našu ahulnuju budučyniu razam, a za našu budučyniu my pavinny nie prosta dumać, a šmat pracavać. Nie bicca.
Bicca — heta ničoha nie daść», — padkreśliŭ prezident Ukrainy.
Jon ličyć, što «nas pavinna abjadnoŭvać budučyniu našych dziaciej i ŭnukaŭ». «Tamu ja prašu ŭsich, jak havorycca, palitykaŭ — nie śpiašacca. Jany ŭsio jašče maładyja i ŭ ich usio jašče napieradzie. Pryjduć vybary. Ludzi vyznačacca, kaho vybieruć, tak i budzie. Tak zaŭsiody było i pavinna być, a siońnia nam treba sumiesna abaraniać našy nacyjanalnyja intaresy. Pracavać na ludziej», — zajaviŭ Janukovič.
Jon taksama adznačyŭ, što kali imknucca da jeŭrapiejskich standartaŭ, treba rabić usio tolki ŭ ramkach zakona.
«Heta pryncypy demakratyi. Tamu ja žadaju nam miru i dabra i jednaści. Niachaj Haspodź nam dapamahaje ŭ hetym», — skazaŭ Janukovič.
Janukovič pra asacyjacyju ź ES: Nas nahinajuć, a my nie paddamosia
Z takoj zajavaj prezident Ukrainy vystupiŭ u intervju ŭkrainskim telekanałam
«Mianie vinavaciać, što ja štości rablu nie tak… Skažycie, kali łaska, što heta za damova, kali nas biaruć i nahinajuć? Ja, naprykład, liču, što my nie pavinny paddavacca, my pavinny abaraniać svaje intaresy. Heta maja pazicyja», — pieradaje liga.net słovy ŭkrainskaha lidara.
Kažučy pra adnosiny ź ES, Janukovič adznačyŭ, što «nie viedaje, čym usio skončycca».
«Havorka idzie pra ŭmovy, u jakich my apyniemsia paśla padpisańnia hetaj damovy, i kali heta nas zadavalniaje — ja za heta, ja hetaha vielmi chaču. Kali nie zadavalniaje — ja abaviazany rabić usio, kab my abaranili našy ŭłasnyja intaresy», — zajaviŭ ukrainski lidar.
U toj ža čas jon paviedamiŭ pra damovy z Rasijaj, jakija treba abnavić i ŭ jakich musiać być adlustravanyja intaresy Kijeva. Pa słovach Janukoviča, Ukrainie z Rasijaj treba damova pra stratehičnaje partniorstva
20:15
19:42
Pucin: padziei va Ukrainie nahadvajuć nie revalucyju, a pahrom
Padziei va Ukrainie nahadvajuć nie revalucyju, a pahrom, zajaviŭ prezident RF Uładzimir Pucin žurnalistam u Armienii.
«Na moj pohlad, usio, što adbyvajecca, nie maje pramoha dačynieńnia da ŭzajemadziejańnia ź Jeŭrasajuzam. Heta ŭnutrypalityčny praces, sproba apazicyi razhajdać dziejučuju lehitymnuju ŭładu ŭ krainie … Toje, što zaraz adbyvajecca, kaža pra toje, što heta, pa ŭsioj bačnaści, dobra padrychtavanyja akcyi, i hetyja akcyi, na moj pohlad, bolš padrychtavanyja nie da siońniašnich padziejaŝ, jany rychtavalisia da prezidenckaj vybarčaj kampanii viasnoj 2015», — cytuje Pucina RIA Novosti.
19:35
Janukovič: Nadzvyčaj važna, kab akcyi pratestu byli mirnymi
Prezident Ukrainy Viktar Janukovič padkreślivaje nieabchodnaść vykanańnia ŭsimi bakami zakonaŭ padčas praviadzieńnia masavych akcyj.
Pra heta jon zajaviŭ u intervju žurnalistam ukrainskich telekanałam 1+1, ICTV, «Intier» i «Ukrajina», paviedamlaje pres-słužba prezidenta.
«Kali my kažam, što my budujem demakratyčnuju dziaržavu, demakratyčnaje hramadstva, — a my ŭsie hramadzianie adnoj krainy, — važna, kab udzielniki hetaha hramadstva i pracesaŭ, jakija adbyvajucca, prytrymlivalisia zakonaŭ», — zajaviŭ Janukovič.
«Nie maje značeńnia — ci heta pradstaŭniki ŭłady, pravaachoŭnych orhanaŭ, ci ŭdzielniki hetych akcyj. Usie pavinny abaviazkova vykonvać zakony našaj dziaržavy», — skazaŭ jon.
Pa słovach kiraŭnika dziaržavy, važna, kab akcyi nasili mirny charaktar.
«Ja pierakanany ŭ tym, što luby, navat drenny mir lepš luboj dobraj vajny», — zajaviŭ Janukovič.
19:20
Milicyja Ivana-Frankoŭska i Lvoŭščyny — z narodam
Milicyja Ivana-Frankoŭska padtrymlivaje žycharoŭ horada, zajaviŭ haradski hałava Viktar Anuškievičus.
«Jašče raz akcentuju ŭvahu na tym, što Ivana-Frankoŭskaja milicyja z nami», — skazaŭ jon u vystupie na vieča, jakim pačaŭsia ahulnaharadski strajku ŭ Ivana-Frankoŭsku ŭ paniadziełak, paviedamlaje «Ukrainskaja praŭda».
«Tamu sumiesna z pravaachoŭnikami, — a heta našy braty, našy baćki, syny — sumiesna ź imi pavinny zabiaśpiečyć pravaparadak u horadzie», — adznačyŭ jon, paviedamlaje «Interfaks-Ukraina».
Hetyja słovy ŭdzielniki vieča sustreli słovami «Małajcy».
Jon rastłumačyŭ, što jak dziaržsłužačy nie maje prava strajkavać. Ale ź inšaha boku, adznačyŭ Anuškievičus, pry ŭstupleńni na pasadu haradskoha hałavy jon davaŭ klatvu słužyć ukrainskamu narodu, i tamu, kab padtrymać žycharoŭ horada, razam sa svaimi namieśnikami syšoŭ u adpačynak za svoj košt.
Anuškievičus zaklikaŭ inšych dziaržsłužačych takim ža čynam dałučycca da strajkoŭcaŭ.
Adnačasova na Lvoŭščynie milicyjanty zajavili, što buduć abaraniać udzielnikaŭ «Jeŭramajdanu».
18:05
Barozu damoviŭsia ź Janukovičam pryniać ukrainskuju delehacyju
Prezident Jeŭrapiejskaj kamisii Žaze Manuel Barozu zaklikaŭ usie palityčnyja siły da strymanaści. Pra heta jon skazaŭ padčas telefonnaj razmovy z prezidentam Viktaram Janukovičam, paviedamlaje «Ukrainskaja praŭda».
17:37
U MZS Litvy ŭ paniadziełak vyklikali ŭkrainskaha pasła
U Ministerstva zamiežnych spraŭ Litvy ŭ paniadziełak vyklikali ŭkrainskaha ambasadara ŭ hetaj krainie Valeryja Žaŭcienku, paviedamlaje «Interfaks-Ukraina» sa spasyłkaj na litoŭskaje MZS. Ambasadaru vykazali zaniepakojenaść z nahody prymianieńnia fizičnaj siły suprać demanstrantaŭ u Kijevie na Majdanie Niezaležnaści u noč na 30 listapada.
17:35
16:55
Kličko publična pasłaŭ pravakatara matam: «Davaj n… na majdan»
16:35
Źjaviłasia videa: pravakataraŭ, što ŭdzielničali ŭ sutyčkach na Bankovaj, na aŭtobusach zavoziać u dvor AP.
16:30
Mierkiel pieraścierahła Janukoviča i jaho ŭrad ad prymianieńnia hvałtu
Kancler FRH Anhieła Mierkiel pieraścierahła ŭkrainskaha prezidenta Viktara Janukoviča i jaho ŭrad ad prymianieńnia hvałtu ŭ dačynieńni da mirnych demanstrantaŭ. Pra heta paviedamiŭ aficyjny pradstaŭnik niamieckaha ŭrada Štefien Zajbiert, cytuje niamieckaje ahienctva dpa «Ukrainskaja praŭda».
Mierkiel zaklikała Janukoviča «zrabić usio, kab zabiaśpiečyć svabodu vykazvańnia mierkavańniaŭ i prava na mirnyja demanstracyi», skazaŭ jaje pradstaŭnik.
Prajeŭrapiejskija mitynhi va Ukrainie dali «vielmi vyrazny sihnał», skazaŭ Zajbiert, «spadziajemsia, što Janukovič prymie hetaje paviedamleńnie».
15:55
Kiraŭnik kampanii «Jandeks-Ukraina» zaklikaŭ ihnaravać Partyju rehijonaŭ
Fota Jandieks-Ukraina/facebook.com
Kiraŭnik adździaleńnia pošukavika Siarhiej Piatrenka miarkuje, što ŭkraincy pavinny pačać suprać ułady mirny bajkot. Takuju zajavu jon zrabiŭ u svaim błohu, paviedamlaje korrespondent.net.
«Sumlenny čałaviek moža być nie ŭ stanie pazbavicca ad bandytaŭ, ale nie abaviazany radavacca i prajaŭlać niejkuju vietlivaść da ich.
Naadvarot — ich treba bajkatavać. Ci nie vitacca, nie kantaktavać, nia praciahvać ruki, nie ŭdzielničać u padziejach, u jakich jany prymajuć ŭdzieł.
Sumlennyja ludzi mohuć žyć, vykraśliŭšy hetych kryvasmokaŭ sa svajho atačeńnia i vyklučyŭšy kantakty ź imi», — zajaviŭ jon.
Pa słovach Piatrenki, asabista jon nie maje namieru prymać udzieł u lubych mierapryjemstvach, dzie buduć udzielničać pradstaŭniki ciapierašniaj ułady, deputaty z Partyi rehijonaŭ.
«Ja nie pryjdu. A kali ja pryjdu i vyjaŭlu, što mnie nie skazali pra zapłanavanuju prysutnaść hetych piersanažaŭ — syjdu nieadkładna. I pakliču ŭsich, kamu chočacca žyć u narmalnaj krainie, zrabić toje ž samaje», — zapeŭniŭ jon.
***
Daŭnavata nie było barykad u našaj Centralnaj Jeŭropie. Na fota Rojterz: centr Kijeva, butaforskija, simvaličnyja barykady vakoł Majdana:
15.28
Voś takaja karcinka kačuje ŭ rasijskim internecie:
A takim byŭ aryhinał (anarchist z čyrvonym ściaham u Hrecyi napadaje na palicyjanta):
14:49
Padziei va Ukrainie ad učarašniaha dnia — u topie čytackaj cikavaści ŭ Biełarusi. Heta pakazvajuć internet-ličylniki. Hetyja padziei trapili na pieršyja pałosy ŭsich suśvietnch i rasijskich ŚMI. Ale pa stanie na 14.30 paniadziełka ni słova pra ich niama na sajcie aficyjnaha ahienctva BiełTA, ni na sajcie haziety «Sovietskaja Biełoruśsija».
Tam pišuć šmat pra što:
V SŠA stołknuliś około 70 mašin, jesť postradavšije…
Na avstralijskoho sierfiera napała akuła i otkusiła jemu nohi…
Žitieli Chorvatii prohołosovali za zapriet odnopołych brakov…
Ale nie pra padziei va Ukrainie. Maŭčać, bajacca, što pažar pratestaŭ pierakiniecca i na Biełaruś?
14:32
Sud adpuskaje studentaŭ, zatrymanych padčas razhonu Majdana ŭ noč na subotu.
«Na kožnym pasiadžeńni sudździ prymajuć identyčnyja rašeńni: materyjały milicyi viartajucca jak niezakonna aformlenyja, a studentaŭ adpuskajuć», — havorycca ŭ paviedamleńni.
«Baćkaŭščyna» śćviardžaje, što «ŭ cełym u noč ź piatnicy na subotu było zatrymana kala 30 studentaŭ, jakich deputaty zabrali z rajadździełaŭ milicyi ŭžo na ranicu nastupnaha dnia».
Milicyja abvinavačvała studentaŭ, jakich žorstka źbili, u drobnym chulihanstvie i niepadparadkavańni pradstaŭnikam orhanaŭ unutranych spraŭ.
13:30
Ministerstva zamiežnych spraŭ adklikaje hienkonsuła ŭ Stambule Bahdana Jaromienku, jaki raniej rezka asudziŭ žorstki razhon mirnych mitynhoŭcaŭ u Kijevie.
Pra heta sam Jaromienka paviedamiŭ u Facebook.
Pavodle jaho słoŭ, Leanid Kažara prosić konsuła prybyć va Ukrainu da 7 śniežnia.
Raniej ministr MZS raskrytykavaŭ dziejańni konsuła, zajaviŭšy, što Jaromienka parušyŭ prysiahu dziaržaŭnaha słužačaha.
13.28
Tak vyhladajuć siońnia vulicy Kijeva vakoł Administracyi prezidenta:
13:26
Kolkaść mitynhoŭcaŭ praciŭnikaŭ dziejučaj ŭkrainskaj ułady na Majdanie Niezaležnaści ŭ paniadziełak pastupova pavialičvajecca.
Na płoščy pa-raniejšamu znachodziacca niekalki tysiač čałaviek. U asnoŭnym jany skancentravanyja kala sceny, jakaja raźmieščana niepadalok ad uvachodu ŭ Hałoŭpaštamt i pa prajeznaj častki vuł. Chryščacik.
Sa sceny čas ad času vystupajuć deputaty, aktyvisty i kaardynatary akcyi. Dla prysutnych uklučajuć muzyku i tranślujuć naviny pra biahučyja padziei ŭ krainie.
Za scenaj ustalavany niekalki namiotaŭ, siarod jakich jość jak vajskovyja, tak i ahitacyjnyja.
13:20
«U suviazi z maštabnymi akcyjami pratestu dla zabieśpiačeńnia hramadskaha paradku ŭ Kijevie ŭnutranyja vojski pryciahvać dadatkovyja siły».
Pra heta havorycca ŭ aficyjnaj zajavie, apublikavanaj na sajcie MUS.
U Kijeŭ pryvieźli kala tysiačy vajennasłužačych unutranych vojskaŭ, jakija niasuć słužbu pablizu administracyjnych budynkaŭ orhanaŭ dziaržaŭnaj ułady.
Raniej va ŭnutranych vojskach admaŭlali pieradysłakacyi vajskoŭcaŭ.
11:31
Ukraina, padpisaŭšy abaviazacielstvy pa MS, moža atrymać inšuju canu na haz, adnak pakul jašče nie čas kazać pra jaje hatoŭnaść utvaryć z Rasiejaj adzinuju mytnuju terytoryju, ličyć pieršy vice-premjer RF Ihar Šuvałaŭ.
«Va Ukrainie ciapier ciažkaja situacyja, i tam ciapier treba zajmacca raźvićciom vytvorčaści, im patrabujecca niedarahi resurs, kab zapuścić pradpryjemstvy i pradać vyrablenuju pradukcyju. Dumaju, što nichto, akramia Rasiei, nie zmoža tak chutka vydzielić Ukrainie patrebnyja resursy i ŭ takim abjomie», — adznačyŭ Šuvałaŭ u intervju Bloomberg. Pavodle jaho mierkavańnia, naprykład, damoŭlenaść pa hazie adrazu b vyrašyła vielizarnuju prablemu dla Ukrainy».
«My taksama možam dać pazyku. Ale prosta tak dapamahać bieź jakich-niebudź abaviazacielstvaŭ ź ich boku — nie budziem. My nie možam prosta tak ratavać Ukrainu: jany pavinny pryjści da nas ź niejkaj kankretnaj i arhumientavanaj paviestkaj», — ličyć pieršy vice-premjer, paviedamlaje RIA Novosti. «Viadoma, Ukraina razumieje, što, padpisaŭšy abaviazacielstvy pa Mytnym sajuzie, moža atrymać inšuju canu na haz, inšyja ŭmovy pa abaviazacielstvach i pošlinach», — dadaŭ Šuvałaŭ.
«My ciapier z Armienijaj damaŭlajemsia adkryta i prazrysta pa našych adnosinach, i ŭsie razumiejuć, što my Armienii dajem adpaviednuju canu na haz, tamu što jany padpisvajuć z nami ŭvieś pakiet pahadnieńniaŭ pa mytnym sajuzie», — adznačyŭ pieršy vice-premjer. Adnak dałučeńnie Ukrainy da Mytnaha sajuza mahčyma ŭ budučyni nie adrazu, adznačyŭ Šuvałaŭ. «Z punktu hledžańnia technałohij i hatoŭnaści Ukrainy ŭtvaryć z nami na dadzieny momant adzinuju mytnuju terytoryju, kazać pra heta jašče rana», — ličyć jon.
10:39
Pytańnie ab uviadzieńni nadzvyčajnaha stanovišča va Ukrainie pakul nie ŭzdymałasia, paviedamiŭ pres-sakratar premjera Mikałaja Azarava Vital Łukjanienka.
Jon nie ŭdakładniŭ, ci ŭdałosia Azaravu trapić na svajo pracoŭnaje miesca ŭ Kabiniecie ministraŭ u paniadziełak.
Z-za taho, što mitynhoŭcy pierakryli ŭsie padychody i padjezdy da budynka ŭrada, supracoŭnikam Kabmina nie ŭdałosia trapić u paniadziełak ranicaj na svaje pracoŭnyja miescy.
10:04
Za minułyja sutki ŭ bryhady nieadkładnaj miedycynskaj dapamohi ŭ Kijevie źviarnułasia 165 traŭmavanych.
Pra heta paviedamlaje Departamient achovy zdaroŭja Kijeŭskaj hardziaržadministracyi.
Ź ich špitalizavana 109 čałaviek.
09:41
U Lvoŭskaj vobłaści 2 śniežnia abvieščana ŭsieahulnaja zabastoŭka. Pra heta havorycca ŭ zajavie kiraŭnika Lvoŭskaj abłasnoj rady Piatra Kałodzija.
«Na vykanańnie pryzyvu Štaba nacyjanalnaha supracivu štab kaardynacyjnaj rady Lvoŭskaj vobłaści abviaščaje abłasny strajk», — zajaviŭ Kałodzij.
Jon taksama zaklikaŭ žycharoŭ vobłaści samym vybrać formu, u jakoj jany buduć pravodzić strajk i vychodzić na lvoŭski «Jeŭramajdan» — da pomnika Tarasu Šaŭčenku na praśpiekcie Svabody.
Akramia taho, Kałodzij abviaściŭ mabilizacyju dla padtrymki «Jeŭramajdana» ŭ Kijevie.
«Abviaščajem maksimalnuju mabilizacyju ludziej dla vyjezdu ŭ Kijeŭ. U śpisy žadajučych nie budziem unosić žančyn, dziaciej i hramadzian, jakim nie spoŭniłasia 20 hadoŭ», — havorycca ŭ zajavie na sajcie Lvoŭskaj abłrady.
09:37
Deputat Sievastopalskaha harsavieta prosić Pucina ŭvieści vojski va Ukrainu
Siarhiej Smolnikaŭ, deputat Sievastopalskaha harsavieta, źviarnuŭsia da prezidenta Rasii z prośbaj pra «vajennuju i inšyju dapamohu bratniamu narodu, uradu i prezidentu Ukrainy, kab abaranić suvierenitet dziaržavy, rasijskuju hramadu Kryma dy inšych rehijonaŭ».
U Sievastopali, nahadajem, raźmieščanaja rasijskija vajskovaja baza, i absalutnuju bolšaść u horadzie składajuć hramadzianie rasiejskaha pachodžańnia.
U toj ža čas u stalicy Kryma, Simfieropali, učora adbyłosia šmattysiačnaje šeście pad łozunham «Krym — heta Jeŭropa» ŭ padtrymku jeŭrapiejskaha vybaru. U im, akramia aktyvistaŭ apazicyjnych partyj, uziali ŭdzieł krymskija tatary.
09:31
Prezident Polščy Branisłaŭ Kamaroŭski choča parazmaŭlać pa telefonie ź Viktaram Janukovičam pra apošnija padziei ŭ Kijevie. Pra heta jon raspavioŭ polskim ŚMI. Pavodle jaho słoŭ, situacyja raźvivajecca chutka i dramatyčna.
Kamaroŭski zajaviŭ, što Polšča pavinna ŭsialak dapamahać ŭkraincam u pytańni Pahadnieńnia ab asacyjacyi ź ES.
«Mahčyma ŭ bližejšyja dni treba sklikać pasiadžeńnie Rady nacyjanalnaj biaśpieki na jakim urad, pradstaŭniki vykanaŭčaj ułady mahli b padzialicca svaimi nazirańniami i idejami z apazicyjaj i parłamienckimi siłami ŭ Polščy», — adznačyŭ Kamaroŭski.
Napiaredadni Jeŭramajdan u Kijevie naviedaŭ były kiraŭnik polskaha ŭrada, lidar partyi «Zakon i spraviadlivaść» Jarasłaŭ Kačynski.
09:30
Mikałajeŭskaja rajonnaja arhanizacyja Partyi rehijonaŭ u Lvoŭskaj vobłaści płanuje abviaścić pra svoj rospusk.
Partyjcy płanujuć publična razarvać svaje členskija bilety i mandaty deputataŭ rajonnaha savieta i abjavić ab spynieńni isnavańnia Partyi rehijonaŭ u Mikałajeŭskim rajonie.
Takoje rašeńnie padtrymlivajuć na siońnia ŭsie siabry partyi, akramia adnaho čałavieka. Kluč ad partyjnaha ofisa zdaduć u haradskuju radu.
09:17
Asobnyja hrupy aktyvistaŭ błakavali ŭsie ŭvachody ŭ Kabiniet ministraŭ Ukrainy i ŭ budynak nacyjanalnaha Banka Ukrainy.
Kałona spyniłasia nasuprać centralnaha ŭvachodu ŭ budynak ŭkrainskaha ŭrada. Ruch pa vuł.Hrušeŭskaha pierakryty, kałona mitynhoŭcaŭ skanduje: «Bandu dałoŭ!».
Zzadu kałony ruch błakujuć aŭtamabili prychilnikaŭ adstaŭki ŭrada i prezidenta.
Akramia taho, da centralnaha ŭvachodu Kabmina prybyli dva mikraaŭtobusy «Baćkaŭščyny» z hukaŭzmacnialnaj aparaturaj.
U dvoryku Kabmina znachodziacca 8 aŭtobusaŭ z supracoŭnikami śpiecpadraździaleńnia «Bierkut», ale milicyja pakul nie robić nijakich aktyŭnych dziejańniaŭ.
Miž tym, z boku vuł. Instytuckaj vuł. Bankovaja, dzie mieścicca Administracyja prezidenta, pierakryta. Bližej da kompleksu budynkaŭ administracyi prezidenta papiarok vulicy stajać aŭtobusy z pravaachoŭnikami, pierad imi ščylnymi šerahami vystrailisia «bierkutaŭcy» ŭ poŭnym abmundziravańni.
Fota Rojterz.
8.45
Sotni tysiač čałaviek vyjšli na vulicy Kijeva ŭ niadzielu. Mitynhi z patrabavańniem nie adkładać padpisańnia Damovy ab asacyjacyi Ukrainy ź ES pieraraśli ŭ masavyja akcyi za adstaŭku prezidenta i ŭrada. Ich abvinavačajuć u niekampietentnaści, karumpavanaści i kiravanaści vyklučna intaresami źviazanych ź imi biznesoŭcaŭ.
Spuskavym kručkom staŭ siłavy razhon Jeŭramajdana ŭ noč ź piatnicy na subotu. Jaho ažyćciavili śpiecnazaŭcy, pryviezienyja z uschodu krainy.
Učora centr Kijeva pierajšoŭ pad kantrol mitynhoŭcaŭ. Śpiecnaz abaraniaŭ try try punkty: Administracyju prezidenta na vulicy Bankovaj, Kabiniet ministraŭ na Hrušeŭskaha i luksovuju pryvatnuju rezidencyju Janukoviča Mižhorje ŭ siale Piatroŭcy pad Kijevam.
Samoha Janukoviča ŭ stalicy nie było, jon znadziŭsia ŭ Mižhorji.
Pravakatary na čale sa skandalnym anarchistam Dmytrom Karčynskim paviali ludziej na šturm Administracyi prezidenta. Dla hetaha jany vykarystoŭvali šmattonny pahruzčyk. Heta była hulnia niervaŭ. U chadu pajšli kii, kamiani i haz. 165 mitynhoŭcaŭ było paraniena ŭ sutyčkach, u tym liku 32 reparciory. Z boku milicyi ŭ balnicy trapiła 47 bajcoŭ.
Apazicyja zaklikała da ahulnanacyjanalnaha strajku. Na čale pratestaŭ stajać, z adnaho boku, lidary parłamienckich partyj Arsień Jacaniuk, Vital Kličko — znany jak baksior i Aleh Ciahnibok. Z druhoha boku, stychija Majdana padparadkoŭvajecca chutčej znakavym asobam, viadomym ludziam — salistam rok-hurtaŭ, studenckim pravadyram.
Abłsaviety ŭschodu i poŭdnia krainy siońnia, jak čakajecca, na nadzvyčajnych siesijach zapatrabujuć uviadzieńnia nadzvyčajnaha stanovišča.
