Ab hetym zajaviŭ ministr zamiežnych spraŭ Biełarusi Uładzimir Makiej 3 śniežnia na sustrečy ŭ Minsku sa staršynioj hrupy družby «Francyja — Biełaruś» Žeraldam Darmanienam.
«My ličym, što prablem u našych adnosinach nie pavinna być, i što sankcyi nie šlach dla vyrašeńnia prablem. Naadvarot, sankcyi zaviali nas u tupik», — skazaŭ kiraŭnik biełaruskaha źniešniepalityčnaha viedamstva.
«Da takoha razumieńnia, na naš pohlad, prychodziać mnohija našy surazmoŭcy ŭ Jeŭropie. Tamu my prapanujem nastupnuju łohiku ŭ našym supracoŭnictvie. My razumiejem, što jość surjoznyja prablemy, jakija my pavinny vyrašać, ale my nie možam heta zrabić siońnia abo zaŭtra. Dla hetaha patrebny čas. Adnak jość šerah śfier, dzie my možam i pavinny ŭzajemadziejničać», — adznačyŭ ministr.
