Nahadajem, jon zajaviŭ, što płany madernizacyi pradpryjemstva nie byli vykananyja, a terytoryja zavalenaja śmiećciem. Łukašenka źniaŭ z pasady staršyniu Minabłvykankama Barysa Baturu dy zahadaŭ raspačać kryminalnyja spravy «pa faktach vyjaŭlenych parušeńniaŭ», što i zrabiła UUS Minskaha abłvykankama.
Jak paviedamlaje «Ježiednievnik», kryminalnuju spravu raspačali na ciapier užo byłoha hiendyrektara «Budtresta № 21» Mikałaja Busałava i dyrektara pradpryjemstva «Instytut «Barysaŭprajekt» Alaksandra Misijuka. Im inkryminujecca «złoŭžyvańnie ŭładaj ci słužbovymi paŭnamoctvami, ździejśnienaje słužbovaj asobaj, jakaja zajmaje adkaznaje stanovišča». Busałavu i Misijuku pahražaje da 10 hadoŭ z kanfiskacyjaj majomaści.
Adnak pravavoje abhruntavańnie abvinavačańnia stavić u tupik śledčych: zhadanyja słužbovyja asoby ŭ studzieni-listapadzie 2013-ha «naŭmysna ździejśnili dziejańni, jakija nanieśli istotnuju škodu dziaržaŭnym intaresam padčas vykanańnia pracaŭ pa madernizacyi AAT «Barysaŭdreŭ». Apisańnia niejkich realnych dziejańniaŭ padazravanych ci niejkaj ich asabistaj zacikaŭlenaści niama. Miarkujecca, što abhruntavańnie pad kryminalny artykuł budzie znojdzienaje padčas rasśledavańnia.
U bližejšy čas musić prajści narada kiraŭnictva krainy, pryśviečanaja situacyi ŭ drevaapracoŭčaj halinie.
