23:23
Milicyja ŭ Kijevie ŭžyvaje taktyku ŭdušeńnia
Zakryty kramy i kaviarni ŭ zonie Majdanu. Abaroncaŭ barykad nie zatrymlivali, ale ŭ ich zabirali bijatualety i abmiažoŭvali padvoz vady i praduktaŭ.
Samaabaronu Majdanu śpiecnaz biez asablivaj ciažkaści z barykadaŭ adsoŭvaŭ.
Za paraj vyklučeńniaŭ: 250 siabroŭ pravaj partyi «Svaboda» ŭtrymali błakpost kala Administracyi prezidenta. A Kličko spyniŭ traktar na Šaŭkavičnaj.
Milicyja raściahvaje barykady z dapamohaj traktaraŭ litaralna za chvilinu.
Demanstrantaŭ akazałasia zamała, kab zapoŭnić takuju vialikuju prastoru. Na kožnaj z barykad byli dziasiatki i sotni, ale nie tysiačy ludziej.
Śpiecsłužby i asoby ŭ cyvilnym («cituški») pabyvali siońnia ŭ ofisie hałoŭnaj apazicyjnaj partyi «Baćkaŭščyna» (kanfiskavali sierviery) i na adzinym apazicyjnym Piatym kanale.
Na samim Majdanie ŭviečary znoŭ sabralisia tysiačy ludziej, niahledziačy na mocny śnieh.
Tym nie mienš, na barykadach učorašniaja ejfaryja ŭ Kijevie źmianiłasia pačućciem biezdapamožnaści.
Zastajecca adkrytym pytańnie, ci dziejańni milicyi vykličuć masavuju mabilizacyju zaŭtra abo ŭ nastupnyja vychodnyja. Siońnia Janukoviču ŭdałosia lohka prademanstravać, jak jon moža strymać pratestoŭcaŭ i likvidavać Majdan. Adnak pry sprobie ŭvajści na sam Majdan śpiecnaz sutykniecca z adčajnym supracivam moładzi.
Vice-prezident ZŠA, staršynia Jeŭrakamisii i ministry zamiežnych spravaŭ jeŭrapiejskich dziaržavaŭ siońnia zaklikali ŭkrainskija ŭłady ŭstrymacca ad užyvańnia siły. A namieśnica sakratara Dziarždepartamienta Nułand praviała pieramovy ŭ Maskvie pa ŭkrainskim pytańni.
Zaŭtra Nułand, a taksama kiraŭnica jeŭrapiejskaj dypłamatyi Eštan prybyvajuć u Kijeŭ. Jeŭropa zaklikaje da praviadzieńnia kruhłaha stała ŭładaŭ i apazicyi.
Kali Janukovič i pojdzie na pieramovy, to ŭ paniadziełak jon prademanstravaŭ, što budzie ich vieści z pazicyi siły.
23:42
Sajt Pravda.com.ua znoŭ łamajuć
Paviedamlajecca na staroncy UP u fejsbuku.
«Naš sajt znoŭ łamajuć. Tamu naviny stavim pakul tut. Stancyi Chryščacik i Majdan Niezaležnaści znoŭ začynili ŭ suviazi ź infarmacyjaj ab mahčymym zaminiravańni. Pra heta paviedamlaje 5 kanał. Stancyi nie pracujuć ni na ŭvachod, ni na vychad».
22:30
Milicyja raźbiraje barykady va Uradavym kvartale
Supracoŭniki pravaachoŭnych orhanaŭ raźbirajuć barykady pa ŭsim pierymietry centra Kijeva, paviedamlaje Ukrainskaja praŭda.
Pra heta paviedamiŭ deputat frakcyi «Baćkaŭščyna» Andrej Šaŭčenka ŭ svaim Twitter.
Adnačasova na rahu vulic Luteranskaj i Kruhłaŭniviersiteckaj znachodzicca pikiet kala 250 «svabodaŭcaŭ». Siarod ich deputaty Ihar Švajko, Andryj Mochnik. Jany z čatyroch bakoŭ akružany bajcami ŭnutranych vojskaŭ.
22:22
Mitynhoŭcy adstajali barykady na Luteranskaj
u namiotavym miastečku na Luteranskaj, fota Iryny Arachoŭskaj
Sałdaty ŭnutranych vojskaŭ i bajcy śpiecpadraździaleńnia «Bierkut» pakinuli błokpost majdanaŭcaŭ pa adrasie Luteranskaja, 28. Da hetaha jany sumiesna ź nieviadomymi ŭ cyvilnym sprabavali razabrać barykady, jakija tam pabudavali mitynhoŭcy.
Adstupić śpiecnazaŭcaŭ prymusili niekalki dziasiatkaŭ pratestoŭcaŭ, jakija pryjšli na dapamohu razam z narodnymi deputatami ad VA «Svaboda».
Nieviadomyja na śpiectechnicy, jakija pradstavilisia rabotnikami kamunalnych słužbaŭ, paśpieli zahruzić na mašyny bijaprybiralni majdanaŭcaŭ i vyvieźli ich u nieviadomym kirunku.
U razhar kanfliktu da barykadaŭ prychodzili i narodnyja deputaty ad Partyi rehijonaŭ Niestar Šufryč i Anton Jacenka. Sami deputaty patłumačyli, što pryjšli, kab nie dapuścić krovapralićcia, paviedamlaje ŭkrainskaja słužba Radyjo Svaboda.
Niekalki aŭtobusaŭ sa śpiecnazam adjechali — abo admovilisia vykonvać zahad, abo manieŭry, miarkujuć u namiotavym miastečku.
22:10
Kijeŭ viečaram, fota Iryny Arachoŭskaj
u namiotavym miastečku na Luteranskaj, fota Iryny Arachoŭskaj
21:44
Vašynhton paviedamiŭ Kramlu, što padtrymlivaje jeŭraintehracyju Ukrainy
Vašynhton zaklikaje Maskvu paŭpłyvać na mirnaje ŭrehulavańnie situacyi va Ukrainie i znoŭ vykazvaje padtrymku na karyść jeŭrapiejskaha vybaru hetaj krainy.
Heta pytańnie abmiarkoŭvałasia na sustrečach u Maskvie namieśnika dziaržsakratara ZŠA pa spravach Jeŭropy i Jeŭrazii Viktoryi Nułand, paviedamili ŭ pasolstvie ŭ Maskvie pa vynikach jaje vizitu ŭ Maskvu.
«Namieśnik dziaržsakratara Nułand vykazała hłybokuju zaniepakojenaść ZŠA adnosna situacyi va Ukrainie i zaklikała rasijski bok da mirnaha ŭrehulavańnia prablemy, harantavańnia abarony čałaviečaj hodnaści i pryniaćcia palityčnaha rašeńnia», — paviedamili ŭ pres-słužbie.
«Namieśnik dziaržsakratara ZŠA vyrazna patłumačyła rasijskim kaleham, što ZŠA padtrymlivajuć vybar Ukrainy na karyść Jeŭropy, niehvałtoŭnaje i vyklučna palityčnaje rašeńnie situacyi, a taksama adnaŭleńnie ekanamičnaha dabrabytu krainy pry padtrymcy Mižnarodnaha valutnaha fondu», — adznačyli ŭ pasolstvie.
21:37
Stancyju mietro Majdan Niezaležnaści adkryli
Mitynhoŭcy adkryli stancyju mietro Majdan Niezaležnaści dla ŭvachodu i vychadu pasažyraŭ.
Raniej, niahledziačy na zajavu uładaŭ ab adkryćci stancyi paśla pravierki na najaŭnaść vybuchovaniebiaśpiečnych pradmietaŭ, uvachody stancyi byli zabłakavanyja mitynhoŭcami.
Try stancyi mietro — Teatralnaja, Chryščacik i Majdan Niezaležnaści — byli začynienyja na praciahu siami hadzin. Aficyjnaj padstavaj dla zakryćcia staŭ ananimny zvanok ab miniravańni stancyj. Pošuk vybuchoŭki doŭžyŭsia amal 7 hadzin.
21:35
Na vulicy Luteranskaj kala AP źniali kardon milicyi
Na vulicy Luteranskaj kala Administracyi prezidenta ŭ Kijevie źniali kardon milicyi z boku vulicy Šaŭkavičnaj.
Jak pieradaje karespandent UNIAN, na Luteranskuju praciahvajuć padychodzić ludzi i ŭdzielničać u namiotavym haradku nasuprać AP. Taksama tut znachodzicca da dziesiaci narodnych deputat ad VA «Svaboda», siarod ich — lidar frakcyi «Svaboda» Aleh Ciahnibok.
21:25
Kiraŭnik MZS Šviecyi: Šturm ofisaŭ apazicyjnych partyj — niepryjemnaja praktyka
Kiraŭnik MZS Šviecyi zajaviŭ, što šturm ofisaŭ apazicyjnych partyj — nieprymalnaja dla Jeŭropy praktyka.
Pra heta jon zajaviŭ na svajoj staroncy ŭ Twitter. «Tryvožnyja naviny pra šturm uzbrojenymi siłavikami ofisa apazicyjnaj partyi «Baćkaŭščyna» ŭ Kijevie. Absalutna nieprymalna ŭ jeŭrapiejskim hramadstvie», — napisaŭ Bilt.
20:33
«UDAR» terminova evakujavaŭ supracoŭnikaŭ z ofisa partyi
UDAR evakujavaŭ svaich supracoŭnikaŭ z ofisa partyi na vuł. Horkaha, 5.
Pra heta paviedamiłi UNIAN u pres-słužbie palityčnaj partyi «UDAR» Vitala Kličko.
U pres-słužbie adznačyli, što evakuacyja źviazana z pahrozaj zachopu pamiaškańnia partyi. Siońnia ŭzbrojeny aŭtamatami «Bierkut» zachapiŭ ofis partyi «Baćkaŭščyna». Z ofisa byli vyniesienyja sierviery.
Videa-anłajn z vulic Kijeva, 9 śniežnia 2013
20:12
Kamandzir «bierkutaŭcaŭ» razvažaje pra razhon — videa «NN»
19:55
19:50
Z ofisa «Baćkaŭščyna» vyvieźli sierviery
Pra heta «Ukrainskaj praŭdzie» paviedamiŭ siabra partyi, jaki prysutničaŭ u ofisie padčas jaho błakavańnia. Jon raspavioŭ, što supracoŭnikaŭ prymusili lažać na padłozie, pakul bajcy śpiecsłužbaŭ abšukvali ofis i łamali dźviery ŭ siervierny pakoj.
Supracoŭniki «Bierkutu» kala ofisa «Baćkaŭščyny». Fota Andrij Pišnij.
19:41
U haradskoj administracyi Kijeva rychtujucca da šturmu — videarepartaž «NN»
19:32
19:13
Milicyja vyciaśniaje mitynhoŭcaŭ z prajeznaj častki zabłakavanych u centry Kijeva vulic — MUS
18:58
18:53
«Bierkut» šturmuje ofis «Baćkaŭščyna» u Kijevie, zajaŭlajuć u partyi
18:50
Interfaks: Na Majdanie kamunalniki pačali raźbirać barykady pratestujučych
18:42
18:35
Milicyja ačapiła błok-pasty na Majdanie
Fota Oksani Dienisovoji, UP
18:25
Sutyčki kala Doma aficeraŭ
Jak paviedamlajuć karespandenty «NN» kala Doma aficeraŭ pačalisia nievialikija sutyčki ź milicyjantami. Tudy z Majdanu pajšła vialikaja hrupa pratestoŭcaŭ. Astatnija čakajuć šturmu.
18:00
17:56
Kijeŭskaha Lenina ŭžo pradajuć — ad 50 hryŭnaŭ za kh
17:27
17:20
16:20
15:55
Džordž Kłuni: U śviecie nie isnuje takoj demakratyi, u jakoj jość palitviaźni – videazvarot
14:53
Janukovič pahadziŭsia na kruhły stoł z apazicyjaj
Padciahvańnie śpiecnaza da Majdana Niezaležnaści było tolki demanstracyjaj siły. Heta stała jasna paśla voś jakoha paviedamleńnia.
Prezident Ukrainy Viktar Janukovič padtrymaŭ ideju pieršaha prezidenta Ukrainy Leanida Kraŭčuka adnosna ahulnanacyjanalnaha kruhłaha stała dla znachodžańnia kampramisu.
Jak paviedamlaje ŭ paniadziełak pres-słužba kiraŭnika ŭkrainskaj dziaržavy, Kraŭčuk źviarnuŭsia da Janukoviča z prapanovaj pravieści ahulnanacyjanalny kruhły stoł dla znachodžańnia kampramisu ŭ situacyi i zaprasić da ŭdziełu ŭ im pradstaŭnikoŭ i ŭłady, i apazicyi.
Janukovič padtrymaŭ hetuju inicyjatyvu. Pa jaho pierakanańni, taki kruhły stoł moža stać placoŭkaj dla znachodžańnia razumieńnia.
U pres-słužbie paviedamli, što na aŭtorak, pa prapanovie Ł. Kraŭčuka, zapłanavana sustreča čatyroch prezidentaŭ Ukrainy (Ł. Kraŭčuka, Leanida Kučmy, Viktara Juščanki i V. Janukoviča) dla abmierkavańnia najvažniejšych pytańniaŭ, jakija stajać pierad krainaj, paviedamlaje Interfaks-Ukraina.
14:46
Siłavikam na Majdanie padvieźli ježu
14:43
Kličko kaža: «Ułada namahajecca psichałahična cisnuć i spałochać, ale ludzi nie źbirajucca sychodzić i buduć stajać. My zaklikajem usich terminova prybyć na Majdan».
Unutranyja vojski na Majdanie. Fota Sierhij Leŝienko.
14:42
Budynak meryi rychtujecca da šturmu
Pierakryty Kryščacik
14:22
Siłaviki pierakryli Chryščacik kala vulicy Chmialnickaha.
Tut znachodzicca meryja. Siudy padjechali aŭtobusy ź milicyjaj, ź ich vyjšła 200 bajcoŭ u poŭnaj ekipiroŭcy i pašychtavalisia.
Fota Andrew Rushkovsky
Fota Rustema Adahamava
Častka siłavikoŭ vyhruziłasia ź inšaha boku ad Majdanu Niezaležnaści, na Michajłaŭskaj płoščy. Treciaja hrupa pierakryła Chryščacik u rajonie Jeŭrapiejskaj płoščy. Siłaviki taksama aktyvizavalisia kala Administracyi prezidenta na Bankavaj.
14:09
U meryi addajuć zahady adbirać zbroju ŭ śpiecnaza, paviedamlajuć žurnalistki «Našaj Nivy» z budynka meryi. Šturm moža pačacca ŭ lubuju chvilinu.
14:04
U bližejšyja sutki va Ukrainie pachaładaje, čakajecca ŭvarvańnie arktyčnaha pavietra.
U Kijevie čakajecca nievialiki śnieh. Viecier paŭnočny, 7-12 m/s, unačy, ranicaj paryvy da 15-20 m/s. Tempieratura ŭnačy 8-10° marozu, udzień 6-8° marozu z panižeńniem viečaram da 10-12°.
13:55
Na centralnuju vulicu Kijeva Kryščacik zajazdžajuć aŭtobusy sa śpiecnazam, ź ich nichto nie vychodzić
Jak pieradaje karespandent ahienctva «Interfaks-Ukraina», kaardynatary pratestoŭcy, jakija znachodziacca ŭ budynku meryi, zaklikali zastavacca na vulicy tolki achvotnikaŭ, a astatnich zajści ŭ budynak na 1 pavierch. Na prystupkach, jakija viaduć na druhi pavierch budynka, ustalavany vialiki draŭlany ščyt-barykada.
Milicyja pierakryła vulicu Hrušeŭskaha z boku Jeŭrapiejskaj płoščy.
Milicyja ŭ poŭnaj ekipiroŭcy, uklučajučy ščyty — stajać 200 čałaviek, paviedamlajuć žurnalisty «Našaj Nivy» ź miesca padziej.
Ale milicyja kaža, što razhonu nie budzie, heta źviazana z mahčymymi vybuchami.
13:33
«Zaminiravany» stancyi kijeŭskaha mietro
Tym časam paviedamlajecca, što nibyta try stancyi mietro ŭ Kijevie zaminiravany, pieradaje z Kijeva karespandent NN.
Majucca na ŭvazie «Teatralnaja», «Kryščacik» i «Majdan Niezaležnaści».Pravodzicca evakuacyja pasažyraŭ
13:30
Kałona śpiecnaza dabrałasia da centra Kijeva
U internecie źjavilisia fota i videakałony śpiecnazaŭcaŭ, jakija jeduć u Kijeŭ. Z fatahrafii, zroblenaj na Biessarabskaj płoščy, vidać, što prynamsi častka kałony paśpiachova dabrałasia da centra ŭkrainskaj stalicy. U kałonie jechali 17 transpartnych srodkaŭ.
13:11
Va Ukrainie źniščyli jašče adzin pomnik Leninu
Heta adbyłosia nočču ŭ Katoŭsku Adeskaj vobłaści.
Ad pomnika, jaki ŭstalavany na bietonnym pastamiencie, była adbitaja vierchniaja častka amal da pojasa, jaho frahmienty lažali la padnožža pastamienta.
Zaviedziena kryminalnaja sprava pa fakcie chulihanstva, paviedamlaje Unian.
12:45
Śpiecnaz užo dajechaŭ da Kijeva
Aŭtobusy z unutranymi vojskami ŭžo dajechali da Kijeva. Aŭtobusy supravadžajuć mašyny DAI. U kałonie jedzie 18 adzinak vajennaj techniki. Aŭtobusy z ŭnutranymi vojskami, jakija prarvali błakadu ŭ Vasilkovie, užo zajechali ŭ Kijeŭ. Pra heta paviedamiŭ narodny deputat ad «UDARa» Taras Kutavy.
Pavodle jaho słoŭ, aŭtobusy ŭžo prajechali ipadrom ŭ Kijevie. «Ciapier aŭtobusy ŭžo dabralisia mietro Družby narodaŭ. Spynić ich niemahčyma. Aŭtobusy supravadžajuć mašyny DAI. U kałonie jedzie 18 adzinak vajennaj techniki», — skazaŭ Kutavy.
12:16
Śpiecnaz prarvaŭ błakadu ŭ Vasilkovie i idzie na Kijeŭ
Kałona aŭtobusaŭ z vajskoŭcami ŭnutranych vojskaŭ ruchajecca z Vasilkova na Kijeŭ, paviedamili ahienctvu «Interfaks-Ukraina» ŭ pres-słužbie kijeŭskaj abłasnoj milicyi ŭ paniadziełak.
«Dla zamieny asabistaha składu z Vasilkova vyjechała kałona ŭ kirunku Kijeva».
Adnak ludzi, jaki błakavali vyjezd, adznačyli, što nie vypuściać nijakich aŭtobusaŭ, dadaje UNIAN.
Pra heta paviedamili ŭ pres-słužbie Usieŭkrainskaha abjadnańnia «Svaboda» sa spasyłkaj na narodnaha deputata Juryja Bublika.
U pryvatnaści, jak raspavioŭ Bublik, z samoj vajskovaj častki ŭ Vasilkovie prarvałasia niekalki aŭtobusaŭ sa śpiecnazam, adnak jany byli zabłakavanyja na adnym ź miascovych mastoŭ.
12:14
Na Majdanie Niezaležnaści ŭ Kijevie mitynhuje 3 tys. čałaviek
Na Majdanie Niezaležnaści ŭ centry Kijeva praciahvajuć mitynhavać kala 3 tys. prychilnikaŭ jeŭraintehracyi Ukrainy.
Jak pieradaje karespandent UNIAN, niepasredna kala sceny znachodziacca niekalki sotniaŭ mitynhoŭcaŭ, jakija słuchajuć muzyku ŭkrainskich vykanaŭcaŭ.
Niahledziačy na zaviruchu, ludzi patrochu praciahvajuć sychodzicca na Majdan Niezaležnaści. Častka mitynhoŭcaŭ hrejecca la bočak z połymiem, častka — u pałatkach.
Akcyja prachodzić mirna.
11:05
Partyja rehijonaŭ zaklikaje da dyjałohu i razbłakavać budynki, inakš Kijeŭ čakaje paralič
Partyja rehijonaŭ zaklikaje razbłakavać uradavy kvartał, a palitykaŭ — sieści za stoł pieramovaŭ, zajaŭlaje pieršy namieśnik staršyni parłamienckaj frakcyi Partyi rehijonaŭ Michaił Čečataŭ.
«Prapanova naša adna: razbłakavać nieadkładna orhany ŭłady, zabiaśpiečyć narmalnuju žyćciadziejnaść horada i dziaržavy», — skazaŭ M.Čečataŭ u paniadziełak na mitynhu Partyi rehijonaŭ u Viarchoŭnaj Rady Ukrainy, paviedamlaje Interfaks-Ukraina.
Palityk vykazaŭ mierkavańnie, što ŭ vyniku dziejańniaŭ udzielnikaŭ ułady i ciažkich umoŭ nadvorja Kijevu pahražaje paralič. «Zaŭtra vady nie budzie, śviatła, buduć paralizavanyja darohi», — miarkuje jon.
Jon taksama padkreśliŭ, što siońnia treba źviarnucca da ŭdzielnikaŭ jevromajdanu z zaklikam viarnucca da zvyčajnaha žyćcia.
11:03
Kijeŭ paralizavali dziesiacibalnyja zatory: horad staŭ
Sistema «Jandeks. Zatory» pa stanie na 10:00 pakazvaje zatory ŭ dziesiać bałaŭ ź dziesiaci z paznakaj «Horad staić — pieššu chutčej».
Jak paviedamlajecca, zatory achapili centr Kijeva i šerah rajonaŭ. Vializny zator sfarmiravaŭsia na ŭjeździe na Maskoŭski most. Uskładnieny ruch na bulvary Lesi Ukrainki, bulvary Družby narodaŭ, Čokałaŭskim bulvary, praśpiekcie Pieramohi i 40-hodździa Kastryčnika, vulicach Hietmana dy inš.
Akramia taho, składanaja situacyja na ŭsich padjezdach da stalicy Ukrainy. Narmalnaja situacyja nazirajecca na praśpiekcie Bažana ŭ ŭ bok Baryspala, paviedamlaje Unian.ua
10:28
Za znos pomnika Leninu jašče nikoha nie pakarali
U Šaŭčenkaŭskim rajonnym upraŭleńni kijeŭskaj milicyi zajaŭlajuć, što milicyja nie zatrymlivała aktyvistaŭ za znos pomnika Leninu. «U nas niama zatrymanych», — zajaviła pamočnik načalnika upraŭleńnia Natalla Kalinoŭskaja.
10:24
10:16
«UDAR» vybačyŭsia pierad kijaŭlanami za pierakrytyja vulicy
Partyja «UDAR» vybačyłasia pierad kijaŭlanami za časovyja niazručnaści, źviazanyja ź pierakryćciem pratestoŭcami vulic u centry ŭkrainskaj stalicy va ŭradavym kvartale.
«My vymušany heta zrabić dla cisku na ŭładu, jakaja nie čuje hramadzian, jakija vyjšli z pratestam na Majdan Niezaležnaści ŭ Kijevie i na płoščy ŭ inšych haradach Ukrainy. Siońnia my ŭsie razam adstojvajem našu budučyniu», — havorycca ŭ zajavie, raspaŭsiudžanaj pres-słužbaj u paniadziełak.
«My vierym, što niazručnaści, źviazanyja ź pierakryćciem vulic u centry stalicy, nie buduć doŭhimi i ŭłada pačuje svoj narod i jaho patrabavańni», — padkreślivajecca ŭ zajavie.
09:37
«Glory to Ukraine!» and «Get the gang out!»
Viedajecie, jak budzie «Słava Ukrainie!» i «Bandu heť!»? «Glory to Ukraine!» and «Get the gang out!». Hetyja łozunhi pratestoŭcaŭ pryvodzić u svaim repartažy z Kijeva The Wall Street Journal.
Jak piša hazieta, demanstranty ŭ stalicy Ukrainy patrabujuć ad Janukoviča adstavić urad i admovicca ad płanaŭ zbližeńnia z Rasijaj.
09:35
U Maryinski park ściahvajucca prychilniki Janukoviča
Z ranicy paniadziełka ŭ kijeŭski Maryinski park z ranicy paniadziełka ściahvajucca prychilniki Partyi rehijonaŭ i prezidenta Viktara Janukoviča.
Jak pieradaje karespandent ahienctva «Interfaks-Ukraina», na miesca praviadzieńnia mitynhu ŭ padtrymku dziejańniaŭ ułady nakiroŭvajucca nie mienš za 2 tys. čałaviek. Jany iduć pa vulicy Hrušeŭskaha z boku st.m. «Arsienalnaja».
Ludzi trymajuć ściahi Partyi rehijonaŭ i dziaržaŭnyja ściahi Ukrainy.
Jak viadoma, u Maryinskim parku znachodzicca łahier prychilnikaŭ Partyi rehijonaŭ.
09:20
Jeŭramajdan za noč pryros novymi barykadami
Pašyrany Jeŭramajdan vystajaŭ noč, ludzi dabudoŭvali novyja barykady. Tam dziažuryli deputaty ad apazicyi, paviedamlaje Ukrainskaja praŭda.
«Samy addaleny post ad Majdana raźmieščany na skryžavańniach zavułku Krapasnoha z vulicami Hrušeŭskaha i Instytuckaj. Barykady ŭźviedzienyja. Žaleznyja kanstrukcyi navat zvaranyja», — napisaŭ u svaim Facebook deputat Aleh Miedunica.
Na fota: vulica Hrušeŭskaha i zavułak Krapasny, fota Aleha Miedunicy.
«Uładkavanyja punkty abahravańnia, jość padvoz charčavańnia. Tut pastajanna da paŭtysiačy čałaviek. Atmaśfiera nadzvyčajnaja», — dadaŭ jon.
Pad ranicu ŭ sacyjalnych sietkach źjavilisia paviedamleńni, što kala teatra imia Ivana Franka jość piać aŭtobusaŭ ź milicyjaj.
Jeŭramajdan zamier u čakańni. Pa pierymietry barykadaŭ mabilizavalisia mityhoŭščyki i atrady samaabarony. Biaśpieku Majdana zabiaśpiečvajuć vieterany siłavych struktur i byłyja voiny-afhancy.
Na rahu Instytuckaj i Krapasnoha zavułka.
Da Doma aficeraŭ kala Maryinskaha parku taksama padjechali kala 20 aŭtobusaŭ. Mitynhoŭcy pajšli ŭ raźviedku, adnak da aŭtobusaŭ nikoha nie puskajuć.
Aktyvisty płoščy — z Demaljansu — źbirajucca pravieści lažačy pratest pad ścienami Hienprakuratury. Pratest pavinien pačacca a 9 hadzinie ranicy (pavodle Minska).
Evalucyja jełki ŭ 2006-2013 hh., kałaž Viktara Viktaraviča
09:18
Karta barykadaŭ na vulicach Kijeva
U niadzielu ŭ centry Kijeva znoŭ sabralisia sotni tysiač ludziej. Jany patrabavali adstaŭki aliharchičnaha režymu i jeŭraintehracyi.
Kab dabicca vykanańnia svaich patrabavańniaŭ, jany zabłakavali vulicy, jakija viaduć da ŭradavych budynkaŭ, u tym liku Administracyi prezidenta i Kabinieta ministraŭ.
Mapa barykadaŭ u centry stalicy Ukrainy.
09:15
Sikorski: Apazicyja robić pamyłku, patrabujučy adstaŭki Janukoviča
Ukrainskaja apazicyja robić pamyłku, patrabujučy adstaŭki prezidenta Viktara Janukoviča, ličyć ministr zamiežnych spraŭ Polščy Radasłaŭ Sikorski.
Pra heta jon skazaŭ u efiry telekanała TVN24, paviedamlaje RIA Novosti.
«Patrabavańnie adstaŭki prezidenta Ukrainy — heta palityčnaja pamyłka, tamu što prezident źjaŭlajecca tym čałaviekam, jaki prymaje rašeńni ab stvareńni kaalicyjnaha ŭrada ci ab padpisańni pahadnieńnia ab asacyjacyi» — ličyć polski ministr.
Sikorski zaklikaŭ baki kanfliktu da spakoju, acharaktaryzavaŭšy ciapierašniuju situacyju jak klinč, jaki mohuć raźvieści tolki lidary Ukrainy, sastupiŭšy ŭ patrabavańniach.
«Ukrainskija elity stajać pierad histaryčnym vybaram. Spadziajusia, što jany projduć heta vyprabavańnie», — padkreśliŭ jon.
Jak paviedamlałasia, Sikorski strymana ŭchvaliŭ znos pomnika Uładzimiru Leninu ŭ centry Kijeva.
Taksama padčas hetaj prahramy Sikorski paraŭnaŭ adnaho z mahčymych pretendentaŭ na prezidenckaje kresła va Ukrainie Vitala Kličko ź pieršym prezidentam Polščy paśla źviaržeńnia ŭ joj kamunistyčnaha režymu Lecham Valensam, paviedamlaje UNIAN.
«Vielmi cikavaja asoba. Baču peŭnaje padabienstva ź Lecham Vałensam», — adznačyŭ Sikorski. U toj ža čas jon ličyć, što Kličko «jašče nie da kanca palityčna sfarmavany». «Baču ŭ jaho takuju charyzmu ŭ kantakcie z natoŭpam. Mabyć, heta lepš vyznačać tyja, chto byŭ na Majdanie, ale zdajecca, što samoj pastavaj daminuje nad asiarodździem», — dadaŭ polski ministr.
Sikorski adznačyŭ, što viedaje va ŭkrainskim palitykumie niekalkich ludziej, jakija mohuć realizavać va Ukrainie reformy, nieabchodnyja dla intehracyi ź Jeŭrapiejskim sajuzam. Siarod ich jon nazvaŭ byłych ministraŭ zamiežnych spraŭ Arsienija Jacaniuka i Piatra Parašenku.
