U internecie źjaviŭsia zapis pieśni «Jeŭrapiejskaja libieralnaja» – minčuk Cimur Prachin udzielničaŭ ź joj u adbory na Jeŭrabačańnie.
Sama pieśnia raskazvaje pra žachi sučasnaha jeŭrapiejskaha žyćcia, dzie «zabojcy ŭ Biełym domie dajuć premiju za mir», a «sadamity atrymali adabreńnie ad cerkvaŭ».
Svoj vystup na konkursie Prachin apisvaje tak: «Paśla prasłuchoŭvańnia pieśni, žury apynułasia ŭ šokavym stanie. Adrazu paśla vykanańnia, mnie zadali niekalki pytańniaŭ… Paśla čaho pačałasia vostraja palemika pamiž členami žury, niahledziačy na toje, što ja jašče znachodziŭsia na scenie. Hałasy za i suprać padzialilisia paroŭnu. Adnak adzin z členaŭ žury vielmi nastojliva skandavaŭ, što pieśnia nie dla Jeŭrabačańnia. U vyniku pieśnia tak i nie prajšła ŭ finał konkursu.
Paźniej da mianie padyšoŭ Alaksandr Cichanovič i krasamoŭna pacisnuŭ mnie ruku, taksama jon sioje-toje mnie skazaŭ… Nie čakaŭ. Žyćcio poŭnaje siurpryzaŭ».
