U Biełarusi na vosiem miljonaŭ sapraŭdnych banknot Nacyjanalnaha banka sustrakajecca tolki adna padroblenaja.
Pra heta na pres-kanfierencyi 18 śniežnia ŭ Minsku paviedamiŭ hałoŭny śpiecyjalist hałoŭnaha ŭpraŭleńnia najaŭnaha hrašovaha abarotu Nacbanka Viktar Sasnoŭski, kažučy pra ŭzrovień falšyvamaniectva ŭ krainie ŭ dačynieńni da nacyjanalnaj valuty.
Pavodle jaho słoŭ, u inšych krainach vykarystoŭvajecca pakazčyk kolkaści padroblenych banknot na adzin miljon sapraŭdnych, ale ŭ Biełarusi taki padlik pravieści niemahčyma.
U krainach jeŭrazony, jak paviedamiŭ śpiecyjalist, na miljon sapraŭdnych banknot prychodzicca 18 tysiač padroblenych.
Pavodle infarmacyi Sasnoŭskaha, apošnim časam źmianiłasia struktura padrobak, jakija vyjaŭlajucca ŭ bankach. Kali raniej bolšaść ź ich składali dalary ZŠA, to z 2012 hoda — rasijskija rubli naminałam u 1.000 i 5.000.
Zatym iduć dalary, jeŭra i biełaruskija rubli.
Bolšaja častka falšyvak (49%) vyjaŭlajucca ŭ bankach Minska i Minskaj vobłaści. Na astatnija rehijony prychodzicca ad 14 da 18% vyjaŭlenych padroblenych hrošaj.