Fota Slodych.by.
Jak paviedamiŭ pradstaŭnik upraŭleńnia Śledčaha kamiteta pa Minsku Alaksandr Hierasimaŭ, zatrymali dyrektara. Zatrymańnie adbyłosia ŭ miežach rasśledavańnia spravy suprać słužbovych asobaŭ adnaho ź minskich pradpryjemstvaŭ pa niezakonnym vyrabie i zbycie srodkaŭ dla «niehałosnaha atrymańnia infarmacyi» z vykarystańniem słužbovych paŭnamoctvaŭ.
«Tak, u vyniku pravierki, praviedzienaj prakuraturaj Minska sumiesna z upraŭleńniem pa raskryćci ciažkich ekanamičnych złačynstvaŭ HUUS Minharvykankama i adździełam pa baraćbie z ekanamičnymi złačynstvami Partyzanskaha RUUSa,
vyjaviłasia, što dyrektar fabryki daŭ zahad nabyć śpiecyjalnaje padsłuchoŭvajučaje i hukazapisvalnaje abstalavańnie za košt pradpryjemstva i ŭstalavać jaho ŭ słužbovych pamiaškańniach,
— zajaviŭ Hierasimaŭ. — Dziejańni dyrektara rascenieny jak złoŭžyvańnie słužbovymi paŭnamoctvami ŭ asabistych intaresach, z naniasieńniem pradpryjemstvu škody ŭ asabliva bujnym pamiery (bolš za 202 miljony rubloŭ)».
Taksama naniesiena škoda pravam i zakonnym intaresam hramadzian šlacham parušeńnia tajamnicy telefonnych pieramoŭ i inšych sposabaŭ kamunikavańnia.
Dyrektar fabryki zatrymany. Jamu pahražaje da dziesiaci hadoŭ kałonii z kanfiskacyjaj majomaści.
Z krasavika 2009 hoda pradpryjemstva ŭznačalvaje Taćciana Sielich.
Taćciana Sielich. Fota delo.by.
Z 2007 jana była namieśnikam dyrektara pa łahistycy. Sioleta jana stała pieramožcaj konkursu «Žančyna hoda-2012» u naminacyi «Za prafiesijanalizm».
U 2011 Taćciana Sielich była adznačana premijaj časopisa «Dieło» za padtrymku vysokaha standarta svajoj pradukcyi na ajčynnym i zamiežnym rynkach.