Havorka idzie pra sajty, dostup da jakich zabłakavany ŭ Rasii. U «čorny śpis» trapili nie tolki rasijskija, ale i zamiežnyja sajty.
Pra heta piša interfax.by, čyj ahladalnik marna sprabavaŭ trapić na adzin z ukrainskich sajtaŭ. «Zahłuška» paviedamlała, što dostup da resursu abmiežavany ŭ adpaviednaści z zakanadaŭstvam Rasijskaj Fiederacyi.
U «Biełtelekamie» kažuć, što nie majuć dačynieńnia da takich «zahłušak». «Biełtelekam» moža abmiežavać dostup da tych ci inšych internet-resursaŭ tolki tady, kali sam daje pasłuhu.
Jak vyjaviłasia, prablema isnuje tolki ŭ niekatorych biełaruskich pravajdaraŭ.
Dla klijentaŭ astatnich kampanij zabaronienyja ŭ Rasii sajty adčyniajucca. U TAA «Dziełavaja sietka» kažuć, što źviartalisia ŭ «Rastelekam» z prośbaj vyrašyć prablemu dla biełaruskich karystalnikaŭ, adnak dahetul nie mohuć ničoha vypravić.
