Prezident Rasii Uładzimir Pucin padpisaŭ ukaz ab pamiłavańni eks-kiraŭnika «JUKASa» Michaiła Chadarkoŭskaha. Dakumient ustupaje ŭ siłu z dnia jaho padpisańnia.
«Kirujučysia pryncypami humannaści, pastanaŭlaju: Pamiłavać asudžanaha Chadarkoŭskaha Michaiła Barysaviča, 1963 hoda naradžeńnia, uradženca h. Maskvy, vyzvaliŭšy jaho ad dalejšaha adbyćcia pakarańnia ŭ vyhladzie pazbaŭleńnia voli», — cytuje tekst ukaza ITAR-TASS.
Abarona Chadarkoŭskaha čakaje jaho nieadkładnaha vyzvaleńnia. Advakat Vadzim Kluŭhant užo pajechaŭ u kałoniju №7 u karelskim horadzie Siehieža.
Pra namier u bližejšy čas padpisać ukaz ab pamiłavańni Chadarkoŭskaha Pucin zajaviŭ napiaredadni paśla vialikaj pres-kanfierencyi.
Chadarkoŭski byŭ asudžany na 10 hadoŭ i 10 miesiac, termin jaho źniavoleńnia skančaŭsia 25 žniŭnia 2014 h. Faktyčna, jon adsiedzieŭ amal uvieś termin.
