«Homielskim haradskim adździełam Śledčaha kamiteta zaviedziena kryminalnaja sprava pa prykmietach złačynstva, praduhledžanaha č.1 art. 139 KK RB (zabojstva). Padstavaj stała paviedamleńnie ŭ milicyju pra źniknieńnie z 1 listapada 2013 Epiška Taćciany Alehaŭny, 1982 hoda naradžeńnia. Paciarpiełaja pražyvała ŭ adnoj z kvater doma 42 pa vuł. Žukava ŭ Homieli»,
— paviedamiła pradstaŭnik USK pa Homielskaj vobłaści Maryja Kryvanohava.
Pa padazreńni ŭ zabojstvie zatrymany 29-hadovy babrujčanin, raniej nieadnarazova sudzimy.
Pakolki cieła žančyny nie znajšli, praciahvajecca jaho pošuk.
Prykmiety Taćciany Epiška: na vyhlad 25-30 hadoŭ, rost 165-170 sm, chudarlavaja, vałasy biełyja. Była apranuta: ciomnaja kofta, sinija džynsy, na nahach — aranžavyja słancy.
Chto vałodaje infarmacyjaj pra miescy znachodžańnia Taćciany Epiška z 14 kastryčnika 2013, źviartajciesia va USK pa Homielskaj vobłaści na: (0232) 36-37-46, (0232) 41-09-12.