Realnaja zarabotnaja płata (raźličanaja z ulikam rostu spažyvieckich cen na tavary i pasłuhi) u studzieni—listapadzie 2013 hoda ŭ paraŭnańni sa studzieniem—listapadam 2012 hoda pavialičyłasia na 17%, u listapadzie 2013 hoda ŭ paraŭnańni z kastryčnikam pamienšyłasia na 3,9%.
Ab hetym BiełaPAN paviedamili ŭ pres-słužbie Nacyjanalnaha statystyčnaha kamiteta.
Naminalnaja naličanaja siaredniamiesiačnaja zarpłata rabotnikaŭ Biełarusi ŭ studzieni—listapadzie 2013 hoda skłała 5 młn. 75,8 tys. rubloŭ, u tym liku ŭ listapadzie — 5 młn. 348,8 tys. rubloŭ, i pamienšyłasia ŭ paraŭnańni z kastryčnikam 2013 hoda na 2,4%, ci na 128,8 tys. rubloŭ.
U listapadzie 2013 hoda ŭ pramysłovaści siaredniaja zarabotnaja płata skłała 5 młn. 884,5 tys. rubloŭ, u budaŭnictvie — 7 młn. 118,7 tys., na transparcie i ŭ suviazi — 6 młn. 53,8 tys., u sielskaj haspadarcy, palavańni i lasnoj haspadarcy — 3 młn. 910,9 tys. rubloŭ.
U adukacyi siaredniaja zarpłata skłała 3 młn. 645,4 tys., u tym liku nastaŭnikaŭ — 4 młn. 272,8 tys., prafiesarska-vykładčyckaha składu — 6 młn. 202 tys. rubloŭ.
Zarabotnaja płata rabotnikaŭ achovy zdaroŭja i akazańnia sacyjalnych pasłuh u listapadzie hetaha hoda skłałasia ŭ pamiery 3 młn. 861,1 tys. rubloŭ, u tym liku ŭ halinie achovy zdaroŭja — 3 młn. 952,5 tys. rubloŭ. Siaredniaja zarabotnaja płata ŭračoŭ skłała 6 młn. 266,7 tys. rubloŭ, siaredniaha miedycynskaha piersanału — 3 młn. 786,3 tys. rubloŭ.
Maksimalnaja siaredniamiesiačnaja naličanaja zarabotnaja płata rabotnikaŭ u listapadzie pa rehijonach była ŭ Minsku — 7 młn. 18,1 tys. rubloŭ, minimalnaja — u Viciebskaj vobłaści (4 młn. 709,6 tys.). U Bresckaj vobłaści siaredniaja zarpłata skłała 4 młn. 771,6 tys. rubloŭ, Homielskaj — 5 młn. 100,1 tys., Hrodzienskaj — 4 młn. 937,5 tys., Minskaj — 5 młn. 107,2 tys., Mahiloŭskaj — 4 młn. 797 tys. rubloŭ.
Pa vidach ekanamičnaj dziejnaści maksimalnaja zarpłata była ŭ rabotnikaŭ śfiery, źviazanaj z vyličalnaj technikaj, — 13 młn. 290,5 tys. rubloŭ; minimalnaja — u rabotnikaŭ arhanizacyj, jakija akazvajuć sacyjalnyja pasłuhi (3 młn. 127,3 tys.).
