Jak paviedamiła ŭpraŭleńnie infarmacyi i hramadskich suviaziaŭ MUS, 25 śniežnia va UUS Babrujskaha harvykankama pa linii 102 pastupiŭ zvanok ad miascovaj žycharki. Žančyna paviedamiła, što pjany sužyciel jaje maci źbiŭ apošniuju i ŭdaryŭ małaletniaje dzicia zajaŭnicy.
Na miesca zdareńnia, u internat pa vulicy Uljanaŭskaj, vyjazdžała hrupa chutkaha reahavańnia HUUS Babrujska. U jaje skład uvachodzili ŭčastkovy inśpiektar i małodšy opierupaŭnavažany adździeła kryminalnaha vyšuku.
Ubačyŭšy supracoŭnika milicyi, 32-hadovy złamyśnik (niepracujučy, raniej sudzimy), schapiŭ nož i staŭ pahražać im. Nieŭzabavie da miesca zdareńnia prybyła hrupa zatrymańnia miascovaha adździeła departamienta achovy ŭ składzie pamočnika kamandzira ŭzvodu i milicyjaniera-vadziciela. Pamočnik kamandzira ŭzvodu nieadnarazova papiaredžvaŭ debašyra ab mahčymaści prymianieńnia ŭ dačynieńni da jaho tabielnaj zbroi. Apošniaha heta nie spyniła.
Kab spynić supraćpraŭnyja dziejańni, milicyjanier prymianiŭ tabielnuju zbroju. U vyniku debašyr z ranieńniem pravaha kalennaha sustava byŭ špitalizavany. U dačynieńni da jaho Babrujskim mižrajonnym adździełam Śledčaha kamiteta raspačata sprava pa art. 186 KK (pahroza zabojstvam, pryčynieńniem ciažkich cialesnych paškodžańniach abo źniščeńniem majomaści).
