Časopisy «Maładość» i «Połymia» Sajuza piśmieńnikaŭ Biełarusi płanujecca zrabić ekśpierymientalnymi vydańniami, skazaŭ staršynia hramadskaha abjadnańnia Mikałaj Čarhiniec.
«Treba razumieć, što žyćcio źmianiajecca. Kali časopisy dla moładzi, značyć, jany pavinny adpaviadać profilu i drukavać nie adzinkavyja materyjały maładych piśmieńnikaŭ, a całkam davać im mahčymaść prajavić siabie, — miarkuje Mikałaj Čarhiniec. — Redaktary bajacca pajści na hety krok, bo dumajuć, što maładych aŭtaraŭ nichto nie budzie čytać, ale jany pamylajucca. Razam z suzasnavalnikam časopisaŭ Ministerstvam infarmacyi my zmoža źmianić situacyju».
Pa słovach Mikałaja Čarhinca, taki kłopat pra maładych aŭtaraŭ budzie sadziejničać ich tvorčaści, a taksama pasłužyć stymułam dla pieramožcaŭ litaraturnych konkursaŭ, u tym liku abłasnych i rajonnych, jakija nie źjaŭlajucca siabrami Sajuza piśmieńnikaŭ.
U novym hodzie hramadskaje abjadnańnie praciahnie biaspłatna vydavać nievialikija knihi pačatkoŭcaŭ-litarataraŭ. «Heta vielizarny šturšok dla moładzi, u jakoj źjaŭlajecca natchnieńnie stvarać tvory», — skazaŭ Mikałaj Čarhiniec, dadaŭšy, što ŭ 2013 hodzie vyjšła ŭ śviet kala 40 takich knih…
