Padčas navahodnich śviataŭ u Minskaj vobłaści ŭ vyniku vykarystańnia piratechniki paciarpieli try čałavieki.
Jak paviedamili va UUS Minabłvykankama,
dniom 31 śniežnia ŭ aftalmałahičnaje adździaleńnie Salihorskaj centralnaj rajonnaj balnicy z pranikalnym ranieńniem pravaha voka byŭ dastaŭleny 11-hadovy vučań 5-ha kłasa, žychar haradskoha pasiołka Starobin. Na hadzinu raniej
jany razam z 12-hadovym siabram kinuli zapalenuju pietardu ŭ šklanuju butelku, i ŭ vyniku vybuchu askołak trapiŭ chłopčyku prosta ŭ voka.
Kala 19.00 taho ž dnia ŭ Maładziečnie dva braty 7 i 11 hadoŭ, vučni 1-ha i 4-ha kłasaŭ, hulalisia ź piratechnikaj na školnym stadyjonie.
Starejšy zapaliŭ «rymskuju śviečku» i nieaściarožna skiravaŭ jaje ŭ bok małodšaha. Vohnienny šaryk trapiŭ pieršakłaśniku ŭ tvar.
Chłopčyk byŭ dastaŭleny ŭ balnicu z termičnymi apiokami pavieka i rahavicy.
Adrazu paśla nadychodu navahodniaj nočy na vulicy Kastryčnickaj u Salihorsku 49-hadovy miascovy žychar, rabočy AAT «Biełaruśkalij», padpaliŭ knot fiejervierka. Rakieta trapiła jamu ŭ tvar. Mužčyna z apiokami abodvuch vačej byŭ dastaŭleny ŭ Salihorskuju centralnuju rajonnuju balnicu.
